Sanidade reabrirá os centros de vacinación masivos a mediados de mes
Por Oskar Viéitez
O conselleiro de Sanidade, Julio García Comesaña, anunciou este mércores a reapertura dos centros de vacinación masiva en Galicia. Será a mediados de novembro, coincidindo co inicio da campaña da terceira dose ás persoas entre 70 e 79 anos e para poñer a segunda a todos aqueles que recibiron a monodosis Janssen.
García Comesaña indicou que "o Sergas seguirá apostando por estes centros de vacinación masiva que tan bo resultado deron".
Este mércores 3 de novembro, na área sanitaria de Pontevedra-O Salnés, continúanse administrando as terceiras doses da vacina contra a covid-19 a maiores de 80 anos, xunto coa antigripal, nos distintos centros de cabeceira dos servizos de atención primaria.
Os destinatarios das doses -uns 1.000 usuarios cada día- recibirán unha mensaxe por SMS informando da data e hora así como do lugar ao que que se deben achegar para a administración desta dose de vacina.
Ademais, tanto no Hospital Montecelo como no Hospital do Salnés, seguirase vacinando de segundas doses, e tamén se manterá a autocita e a vacinación libre durante esta semana.
O Sergas lembra que hai dispoñibles máis ocos de autocita en quenda de mañá, para maiores de 12 anos, aos que se pode acceder aínda a través da páxina web do Sergas, da App SERGAS MÓBIL, ou do teléfono 981215930.
Relacionadas:
-
Vilagarcía xa ten novo punto de vacinación masiva: a antiga Comandancia de Marina
Por Redacción |
-
Vilagarcía propón ao Sergas que se use a Comandancia como centro de vacinación ante a ocupación de Fexdega
Por Oskar Viéitez |
-
O PP pide a Lores que recapacite sobre a cesión do recinto para a vacinación e lembra que a pandemia non rematou
Por Redacción |
-
Aumenta o número de casos activos tanto na área sanitaria como en Galicia ao sumar 84 novos contaxios
Por Redacción |
-
Apoio do goberno local á manifestación convocada por SOS Sanidade Pública para reclamar recursos en Atención Primaria
Por Mónica Patxot & Anxo Lourido |
-
Lores remite ao Sergas a vacinar nos centros de saúde porque o Recinto Feiral vai ocuparse con outras actividades
Por Redacción |
-
Soben a oito os contaxios diarios de covid pero os casos activos mantéñense baixo control, cun único ingresado en planta
Por Redacción |