A recuperación da contorna de Segade centrará as prácticas dun novo obradoiro de emprego
Por Redacción
O Concello de Caldas de Reis deu inicio nesta primeira semana de novembro ao Obradoiro Dual de Emprego "Os Camiños do Camiño II", no que vinte caldenses seleccionados, dez mulleres e dez homes, serán os beneficiarios directos da formación e da práctica laboral que recibirán durante nove meses.
Dez participantes formaranse na especialidade de actividade forestal e xardinería e outros dez na especialidade de albanelería-cantería.
O equipo directivo está formado por unha directora, unha docente de forestal-xardinería, un docente de albanelería-cantería e unha auxiliar administrativa. Nos próximos días incorporarase outra persoa encargada das titorías.
A formación teórica impártese nas instalacións do novo Edificio de Usos Múltiples, xunto á Escola de Música, na travesía Dona Urraca.
A parte práctica desenvolverase no terreo municipal da fervenza de Segade, para continuar cos traballos de recuperación paisaxística e ambiental da antiga central hidroeléctrica e a súa contorna, e coa consolidación de muros e recuperación dos antigos camiños, dando continuidade aos traballos iniciados hai un ano polo anterior obradoiro dual de emprego.
O novo obradoiro conta cunha subvención da Consellería de Emprego e Igualdade de 346.946 euros, financiada por fondos finalistas transferidos polo Servicio Público de Empleo Estatal do Ministerio de Trabajo, Migraciones y Seguridad Social.
Relacionadas:
-
O DOG xa recolle a fervenza de Segade e o encoro da Baxe dentro das Zonas Húmidas de Galicia
Por Redacción |
-
Fernando Salgado escribe o libro "A luz de Caldas" para divulgar a historia da central de Segade
Por Redacción |
-
Inauguran o obradoiro de emprego que restaurará a contorna da central hidroeléctrica de Segade en Caldas
Por Redacción |
-
Caldas consegue unha nova entrega do obradoiro de emprego para o sector forestal e da cantería
Por Redacción |
-
Novos obradoiros de emprego na comarca do Salnés
Por Redacción |
-
Comezan os traballos do obradoiro de emprego nos espazos verdes de Caldas de Reis
Por Redacción |
-
O obradoiro de emprego de Caldas de Reis cumpre un trimestre con traballos moi avanzados en Segade
Por Redacción |
-
Caldas activará un novo obradoiro de emprego para a recuperación paisaxística da área da Fábrica da Luz
Por Redacción |