O Concello de Barro quere seguir modernizando a rede de iluminación pública con 500 novas luces LED
Por Redacción
O Concello de Barro anunciou este venres que solicitará unha subvención valorada en 262.583 euros para seguir modernizando a rede de iluminación pública, coa renovación dos cadros de mando e a substitución de 513 luminarias por unhas novas de tecnoloxía LED.
Para o Goberno municipal o aforro enerxético e a redución da pegada de carbono é unha prioridade, polo que aposta decididamente pola implantación da tecnoloxía LED en todo o termo municipal, un sistema co que se garante un 45% do aforro enerxético.
A axuda vaina pedir ao Instituto para a Diversificación e Aforro da Enerxía (IDAE), dentro do programa DOUS 5000, segundo informou o Concello a través dun comunicado.
Esta subvención permitiría ao Goberno local a renovación e modernización dos cadros eléctricos e a implantación de máis de 500 novos puntos LED, que se virían sumar aos 243 xa en funcionamento e aos 402 que xa están aprobados e pendentes de executar. Tamén se sumarían un total de 1.156 luminarias substituídas por unhas modernas de baixo consumo e alto rendemento.
Relacionadas:
-
Comezan os traballos para implantar 500 luminarias LED máis en Barro
Por Redacción |
-
Comezan as obras para recuperar a zona da Praza de San Amaro
Por Redacción |
-
O remanente de tesourería de Barro destinarase a mellorar a rede viaria, o saneamento e instalacións municipais
Por Redacción |
-
Unha nova axuda do IDAE para renovar o alumeado en Barro, Bueu e Caldas
Por Redacción |