Vilagarcía xa ten novo punto de vacinación masiva: a antiga Comandancia de Marina
Por Redacción
A procura de novos puntos para a vacinación masiva fronte á covid-19 na área sanitaria de Pontevedra e O Salnés avanzou nas últimas horas e xa está fixado o emprazamento de Vilagarcía. Será o lugar proposto polo Concello, o antigo edificio da Comandancia de Marina.
Segundo confirmou a área sanitaria, este novo punto de vacinación poboacional abrirá o vindeiro venres 19 de novembro e terá habilitados cinco puntos de vacinación e un circuíto adaptado de entrada e saída, sen barreiras arquitectónicas, que delimitará os tránsitos conforme aos protocolos de seguridade establecidos pola normativa preventiva covid vixente.
Segundo os cálculos que manexa a área sanitaria, por este novo punto de vacinación poboacional na Comandancia de Marina prevese unha media diaria de entre 600 e 700 pacientes, que recibirán as doses de vacina en sesións de mañá e tarde.
Este punto de vacinación, que vai substituír ao recinto feiral Fexdega, terá unha dotación de seis efectivos, cinco profesionais de Enfermaría e un profesional administrativo.
Por outra banda, continúa a procura de emprazamento dun novo punto de vacinación poboacional en Pontevedra, unha vez que non poderá regresar ao recinto feiral.
Segundo sinala a área sanitaria, o Sergas está a rematar as xestións para concretar á maior brevidade posible un novo punto de vacinación poboacional con activación asistencial tamén a partir do vindeiro venres 19.
Relacionadas:
-
Fexdega volve ser o centro de vacinación para a poboación arousá a partir deste sábado
Por Redacción |
-
Sanidade advirte de trampulladas a través de chamadas e SMS a persoas que agardan a terceira dose da vacina contra a covid-19
Por Redacción |
-
Continúa o incremento de casos activos por covid-19 en todas as áreas sanitarias de Galicia
Por Mónica Patxot & Anxo Lourido |
-
Sanidade habilita a sede da Xunta en Campolongo como centro de vacinación masiva
Por Redacción | Creada e actualizada
-
Decorar os comercios en Vilagarcía durante o Nadal ten premio
Por Redacción |
-
Vilagarcía propón ao Sergas que se use a Comandancia como centro de vacinación ante a ocupación de Fexdega
Por Oskar Viéitez |
-
O PP pide a Lores que recapacite sobre a cesión do recinto para a vacinación e lembra que a pandemia non rematou
Por Redacción |
-
Lores remite ao Sergas a vacinar nos centros de saúde porque o Recinto Feiral vai ocuparse con outras actividades
Por Redacción |
-
Sanidade reabrirá os centros de vacinación masivos a mediados de mes
Por Oskar Viéitez |