Un acto en Combarro pecha a programación do 25N en Poio
Por Redacción
Unhas 150 persoas participaron este domingo no acto de peche da programación organizada polo Concello de Poio con motivo do Día Internacional da Eliminación da violencia contra a Muller.
Co lema de "Paso a Paso Libre de Violencia de Xénero", unha andaina partiu as 10.30 horas do Bosque das Mulleres de Lourido chegando ata a Praza da Chousa de Combarro, onde se procedeu á lectura do manifesto e se abriu ao público unha exposición coas pezas artísticas e material audiovisual elaborado durante estas semanas polas integrantes dos colectivos que forman parte do Consello Municipal da Muller.
As asociacións Airiños do Mar, MEI Poio, O Bao, Asociación de Mulleres Arela, AV Lourido, Asociación de Mulleres Progresistas e Asociación Cultural de Mulleres do Mar de Poio participaron nesta cita.
Tamén houbo unha acción poética a cargo de Lúa Mosquetera.
As participantes recibiron como agasallo diverso material conmemorativo do 25N.
Relacionadas:
-
A campaña do 25N en Poio céntrase no instituto e na rúa
Por Manu Otero |
-
Moción conxunta contra a violencia machista con demanda de investimentos para atender as vítimas
Por Redacción |
-
Unhas 175 persoas participaron na Andaina Violeta
Por Redacción |
-
Detido un pontevedrés por incumprir a orde de afastamento da súa parella
Por Oskar Viéitez |
-
25N | Performance do Colectivo Feminista Pontevedra para desvelar o patriarcado do sistema xudicial
Por Mónica Patxot & Redacción |