As futuras enfermeiras aprenden claves para detectar casos de violencia machista
Por Redacción
A maioría das vítimas da violencia machista, nun ou outro momento, son atendidas nalgún servizo sanitario polas agresións físicas ou psicolóxicas que sofren por parte do seu maltratador, pero non sempre verbalizan o que lles sucedeu.
Por iso, os expertos consideran que é importante que os profesionais sanitarios saiban detectar estes casos e os aborden da mellor maneira posible.
Ese é o obxectivo do curso que está a recibir o alumnado da Escola de Enfermería de Pontevedra, impartido pola axente de igualdade, Mercedes Renda.
O sistema sexo-xénero, a discriminación das mulleres como un fenómeno estrutural, os roles e os estereotipos de xénero, a violencia machista e as violencias dixitais son algúns dos temas para abordar neste módulo de oito horas.
"A idea é poñer no centro na necesidade de que, para ser boas profesionais, teñan sempre unha xanela aberta a detectar estas realidades", destaca Renda desta iniciativa formativa, que a Deputación de Pontevedra promove anualmente desde 2017.
O curso busca sensibilizar aos futuros profesionais desta rama sanitaria, na que os estudantes son maioritariamente mulleres, ata nun 80%.
Detectar a violencia machista de maneira temperá é "fundamental", segundo a experta que dirixe esta iniciativa, que incide en que moitas veces as vítimas "non son conscientes de cal é a causa do malestar que teñen e ten que ser a profesional a que faga as preguntas adecuadas" para identificar os seus síntomas como un posible caso de violencia.
Relacionadas:
-
Denuncian unha agresión a un vixiante do Hospital Provincial
Por Redacción |
-
Detido un mozo de 19 anos por agredir aos seus pais, á súa irmá e á súa noiva
Por Oskar Viéitez |
-
Tres detidos por violencia machista, un deles por encerrar á súa parella para que non saíra soa á rúa
Por Redacción |
-
Maica Larriba: "A violencia vicaria é a peor expresión da violencia machista sobre a muller"
Por Redacción |
-
25N | Performance do Colectivo Feminista Pontevedra para desvelar o patriarcado do sistema xudicial
Por Mónica Patxot & Redacción |
-
25N | A loita contra a violencia machista comeza nos colexios
Por Redacción |