Máis de 7.000 pontevedreses visitaron os xardíns de Santa Clara durante a primeira fin de semana de portas abertas
Por Redacción
As dúas primeiras xornadas de portas abertas para coñecer os xardíns e zona exterior do Convento de Santa Clara resultaron todo un éxito.
Se durante o sábado foron 2.803 os visitantes ao recinto, o domingo a cifra mesmo se multiplicou cun regueiro constante de persoas desde as 10.00 horas da mañá ata o peche ás 18.00 horas.
Segundo a información que traslada o Concello de Pontevedra, este 20 de decembro contabilizáronse 4.250 visitas.
Desta forma ao longo de toda a fin de semana foron 7.053 os pontevedreses que quixeron coñecer de primeira man Santa Clara tras a súa recente adquisición como inmoble municipal.
Dado o éxito das xornadas, o goberno local pensa en repetilas tras as festas do Nadal. "Se vén bo tempo despois das festas abriríamos tamén algún día máis os xardíns, e a partir de aí iríanse facendo tamén visitas guiadas por dentro pero a esas hai que anotarse porque ten que ser un número máis reducido de xente", confirmou este sábado o alcalde, Miguel Anxo Fernández Lores.
Relacionadas:
-
Máis de vinte maceiras, loureiros, sequoias, un buxo enorme, kiwis e ata un caqui, atopados na exploración botánica de Santa Clara
Por Redacción |
-
Anuncian próximas visitas guiadas a Santa Clara e a apertura da igrexa para actos culturais
Por María José Pita |
-
Ter o proxecto para reformar Santa Clara, obxectivo marcado polo Museo para este ano
Por Redacción |
-
Pontevedra e Santa Clara, máis unidos que nunca
Por Alejandro Espiño |
-
Carmela Silva ve "obrigado" que a Xunta e o Estado se "involucren" rehabilitar Santa Clara
Por Alejandro Espiño |
-
Haberá as xornadas de portas abertas "que fagan falta" para visitar Santa Clara
Por Alejandro Espiño |
-
A historia gráfica de Santa Clara, no calendario municipal de 2022
Por Redacción |
-
Os pontevedreses lánzanse a coñecer Santa Clara: "Estou alucinando"
Por Diego Espiño & Cristina Saiz | Creada e actualizada
-
Satisfacción no Concello pola acollida da cidadanía na xornada de portas abertas do convento
Por Oskar Viéitez |
-
Santa Clara reencóntrase coa súa veciñanza
Por Manu Otero & Mónica Patxot |