Paloma Castro reclama á Xunta que asuma a metade do investimento previsto para recuperar Santa Clara
Por Redacción
Paloma Castro, deputada socialista no Parlamento de Galicia, presentou unha batería de iniciativas para demandar á Xunta de Galicia que colabore coa Deputación e co Concello de Pontevedra para acometer a rehabilitación do Convento de Santa Clara.
No escrito, a representante do PSdG-PSOE reivindica o valor patrimonial, histórico do inmoble que data do século XIII e avanza as súas posibilidades turísticas. Pide ao executivo de Núñez Feijóo que asine un protocolo de colaboración co Concello de Pontevedra e coa Deputación para asumir, polo menos, a metade do investimento para recuperar o edificio que era utilizado polas clarisas.
Castro apunta que, despois da compra por 3,2 millóns de euros por parte do Concello, este espazo é un ben público patrimonio de toda a cidadanía de Pontevedra. Lembra tamén o valor do inmoble para ser incorporado ao circuíto museístico nunha cidade que conta cunha "enorme riqueza patrimonial", que neste momento non pode ser exposta ao público por falta de espazo, en referencia a pezas dos fondos do Museo Provincial.
Estas preguntas de Paloma Castro son consecuencia de que a Xunta de Galicia, a través do vicepresidente primeiro Alfonso Rueda, evitase confirmar o apoio financeiro do executivo autonómico na rehabilitación do cenobio ata que se concreten as propostas para dar utilidade a esta infraestrutura.
Relacionadas:
-
Satisfacción no Concello pola acollida da cidadanía na xornada de portas abertas do convento
Por Oskar Viéitez |
-
A Xunta evita confirmar o apoio financeiro á rehabilitación de Santa Clara ata que non haxa maior concreción sobre o que se quere facer
Por Oskar Viéitez |
-
O PP rexeita que o Concello compre Santa Clara para "regalársela" á Deputación
Por Oskar Viéitez |
-
O Concello acorda a cesión definitiva de Santa Clara á Deputación
Por Oskar Viéitez |