Guarro Casas e Ence: celulosa e sustentabilidade
O plástico converteuse nun dos grandes problemas ambientais a nivel mundial. Estímase que xa constitúe máis do 80 % do lixo que vai parar a mares e océanos.
Nos últimos anos, o consumo de plásticos e outros derivados dos combustibles fósiles reduciuse, grazas á concienciación social e á normativa europea. Tamén a industria explorou outros materiais para ir substituíndo aqueles produtos baseados en combustibles fósiles por outros con menor pegada ambiental e producidos cun uso sostible dos recursos renovables.
Neste novo modelo, as empresas produtoras e transformadoras xogan un papel fundamental.
Ence, compañía líder en produción de celulosa sostible e en xeración de enerxía eléctrica renovable con biomasa, é un bo exemplo diso. A súa celulosa de alta calidade, unha materia prima que en multitude de casos substitúe ao plástico e os seus derivados, está recoñecida por grandes empresas referentes no sector, entre elas, a histórica fabricante de papel Guarro Casas.
ENCE & GUARRO CASAS, APOSTA POLA SUSTENTABILIDADE
A alianza de Ence con Guarro Casas sitúa á celulosa producida nas biofábricas da compañía en mercados internacionais, ademais do prestixio de traballar en colaboración cunha marca que suma máis de 300 anos de historia, desde a súa creación en 1698 por Ramón Guarro en La Torre de Claramunt, unha pequena localidade do interior da provincia de Barcelona, ata a súa actual presenza en máis de 60 países, cun catálogo de máis de 600 referencias de stock.
O principal sinal de identidade de Guarro Casas é a calidade do seu papel, á que se une un estrito protocolo de produción responsable. "Móvenos un profundo respecto cara ao planeta e a nosa contorna", afirma na súa páxina web a empresa, especializada na fabricación de papeis creativos para o recubrimento de packaging de luxo e libros, ademais de papeis e cartolinas de acabado natural para a impresión de libros de tapa branda e embalaxe flexible. A esta produción de papeis especiais únese unha nova liña de produtos que substitúen a outros elaborados a base de plástico.
"A nosa polpa prodúcese de maneira sostible e por iso certificamos os nosos materiais FSC® baixo demanda. Os nosos produtos son fabricados en base acuosa. Traballamos con produtores locais para reducir a nosa pegada de carbono. Depuramos e limpamos toda a auga que usamos. Os nosos residuos sólidos utilízanse para a creación de fertilizantes. E todos estes compromisos demóstranse coa nosa certificación de xestión ambiental ISO 14001", declara na súa información corporativa este fabricante de papel en relación ás accións para asegurar a sustentabilidade de todos os seus procesos e produtos.
A partir da celulosa de Ence, Guarro Casas elabora unha gama de produtos de material de recubrimento con características similares ao PVC. Trátase de papeis con propiedades hidrófugas, é dicir, que evitan a humidade e a auga, e que posúen usos diversos como, por exemplo, as cartas dos restaurantes, pola facilidade do material final para repeler a sucidade. Tamén se elaboran con pasta de celulosa papeis metalizados, artísticos e pintados, que veñen completar unha gama amplísima de alternativas a partir da fibra natural procedente da madeira, ademais de todo tipo de papeis de embalaxe e packaging, que en proporción crecente substitúen aos tradicionais plásticos.
A celulosa producida nas biofábricas de Ence é un aliado da transición ecolóxica cara ao modelo de consumo do futuro: ofrece unha alternativa renovable e de orixe natural ao uso de fibras sintéticas, o seu uso permite obter produtos biodegradables e reciclables e, deste xeito, contribúese ao desenvolvemento dun modelo circular, así como á bioeconomía do futuro.
A celulosa de Ence, ao ser unha materia prima de orixe nacional, supón así mesmo unha vantaxe engadida para a empresa Guarro Casas, para o consumidor final, e tamén para o planeta. Máis aló dunha redución dos custos, ao ter unha menor pegada de carbono no seu transporte, conséguese unha produción máis sostible e unha subministración máis segura.
Relacionadas:
-
A industria papeleira comprométese cun modelo produtivo circular e sostible
Por Noticia patrocinada |
-
A celulosa Naturcell de Ence transfórmase en bolsas de té sostibles e compostables
Por Noticia patrocinada |
-
Bioeconomía forestal, fronte á crise enerxética e climática
Por Noticia patrocinada |
-
Ence: contribución á bioeconomía, a economía circular e a transición enerxética
Por Noticia patrocinada |
-
A industria da celulosa ofrece alternativas para loitar contra o cambio climático
Por Noticia patrocinada |
-
É posible unha alternativa natural ao plástico? A celulosa podería ser a solución
Por Noticia patrocinada |