En licitación o servizo da Unidade de Atención a Persoas con Alzheimer do Centro Social de Alende
Por Redacción
O alzhéimer é a maior causa de discapacidade en persoas maiores. Un 5% da poboación maior de 60 anos o padece, porcentaxe que chega ao 20% no caso de maiores de 80 anos. Moraña non é allea a unha situación clínica que afecta aos maiores dun xeito tan estendido e por iso traballar desde a prevención, ofrecendo servizos de atención de calidade, é fundamental.
Nese sentido, o Concello informou este xoves das xestións que está a realizar a Consellería de Política Social para dotar ao Centro Social de Alende da Unidade Pública de Atención a Persoas con Alzheimer, que terá 10 prazas dispoñibles. O procedemento atópase agora en licitación, polo que haberá que esperar á adxudicación do servizo para poder poñelo en marcha.
O obxectivo deste centro será o de ofrecer servizos de prevención das situacións de dependencia, apostando pola estimulación terapéutica das persoas con alzhéimer e outras demencias neurodexenerativas. Deste xeito, as persoas responsables de levar adiante o centro utilizarán técnicas dirixidas ao adestramento nas actividades da vida diaria (AVD), axudarán á estimulación cognitiva e ofrecerán terapia ocupacional, atención psicolóxica, logopedia e actividades de lecer e tempo libre.
A Consellería de Política Social realizou unha inversión de 200.000 euros para rehabilitar esta Casa de Cultura de Alende, sita na parroquia de Santa Xusta, e que servirá para acoller esta unidade de atención.
Agora, o alcalde Jose Cela, aspira "a que pronto poidamos iniciar a ofrecer este servizo á nosa veciñanza, xa que consideramos que a atención a estes pacientes é primordial e queremos poder ofrecelo desde Moraña, desde a nosa vila".
Relacionadas:
-
A Xunta autoriza a nova unidade de estimulación para persoas con alzhéimer de Moraña
Por Redacción |
-
Nova sede de AFAMO en Bueu para atender ás persoas afectadas polo Alzheimer
Por Redacción |
-
Moraña aprobará este xoves o Orzamento para 2022
Por Oskar Viéitez |
-
Reanúdase a rehabilitación do Centro Social de Alende en Moraña
Por Redacción |
-
Fabiola García supervisa os traballos para converter a antiga Cámara Agraria de Moraña en centro social
Por Redacción |
-
Moraña quere ter rematado en marzo o novo centro social de Alende
Por Redacción |