O Náutico doa máis de 15.000 euros á Asociación Contra o Cancro e a Cáritas
Por Oskar Viéitez
Outro ano máis, Miguel de la Cierva, propietario do Náutico de San Vicente do Mar, coa colaboración doutros negocios de hostalería da zona, puxeron en marcha durante os meses de verán un aparcamento co obxectivo de doar a recadación a dúas entidades sociais.
A Asociación Española Contra o Cancro en O Grove xunto con Cáritas foron as asociacións elixidas para doar un total de 15.180 euros, cunha doazón de 7.590 euros para cada unha delas.
Desde a sede local da Asociación Española Contra o Cancro en O Grove queren agradecer publicamente este donativo "porque nestes tempos que non se poden facer tantos actos de recollida de fondos, este diñeiro garántenos poder continuar ofrecendo os nosos servizos de maneira gratuíta a pacientes oncolóxicos e familiares". A este agradecemento tamén se suma Cáritas de O Grove.
Os promotores da iniciativa tamén destacan o feito de que grazas a este aparcamento estival contratouse dúas persoas con dificultades económicas, designadas pola entidade Cáritas.
Relacionadas:
-
O Náutico de San Vicente acolle un campus de flamenco e jazz dirixido por Jorge Pardo
Por Redacción |
-
Novo taller de duelo para afrontar a perda dun ser querido por cancro
Por Redacción |
-
O Náutico de San Vicente e a sala Krazzy Kray de Cambados acollen concertos do programa 'Música en Salas'
Por Redacción |
-
Reencontro en El Náutico de San Vicente: Leiva e Rubén Pozo 'reviven' a Pereza por un día
Por Redacción |
-
Concerto sorpresa de Jorge Drexler no Náutico de San Vicente
Por Redacción |
-
El Náutico e Pepe Solla alíanse para maridar música e gastronomía no Grove
Por Alejandro Espiño |