Os Reis Magos dividiranse na súa visita a Marín e percorrerán en coches todo o rural
Por Redacción
O aumento das restricións pola covid-19 obrigou ao Concello de Marín a buscar un plan alternativo á tradicional cabalgata de Reis. Así, Melchor, Gaspar e Baltasar repartiranse en tres espazos diferentes e, ao remate da recepción, percorrerán todo o rural en coches.
Esta cabalgata estática estará operativa entre as 18:00 e as 20:00 horas do próximo 5 de xaneiro, repartida no lateral do Concello, a Avenida de Ourense e o inicio de Ezequiel Massoni.
O goberno municipal optou por estes espazos, explica a edil de Festas, Marián Sanmartín, porque na Alameda ou no Parque Eguren xa hai outras actividades e así "podemos dinamizar outros espazos e evitamos a concentración de persoas nun mesmo punto".
En cada un destes enclaves, haberá animación e moito control por parte tanto da Policía Local coma de Protección Civil, para garantir en todo momento que non se dan grandes concentracións e que a mobilidade sexa fluída.
Si que se repartirán caramelos entre os máis pequenos da casa, pero será a través dos paxes reais, con previa desinfección de mans.
Unha vez cheguen as oito da tarde, as Súas Maxestades subirán a uns vehículos para iniciar un percorrido que transitará polas zonas distintas ás habituais, para achegar a cabalgata a todos os lugares, tanto no centro urbano coma no rural.
O obxectivo é que as persoas poidan ver pasar á comitiva real desde as súas casas.
Por outra banda, Marín non celebrará a festa infantil de Fin de Ano de mañá do xeito no que estaba programado. Deste modo, todo se realizará na carpa da Alameda, que ofrecerá o servizo de ludoteca con música animada e unha bolsa de cotillón.
No que respecta á véspera de Reis, tamén se suspende o Orfeón de Reis de Ardán.
Relacionadas:
-
Vilagarcía anuncia como será a súa Cabalgata de Reis en movemento
Por Redacción |
-
Entrada libre para ver 'Canta 2' no Cine Seixo
Por Redacción |
-
O Grove mantén a cabalgata de Reis pero suspende a recepción no Concello
Por Redacción |
-
Dúas toneladas de alimentos recollidas na Semana da Solidariedade de Marín
Por Redacción |
-
Así é a decoración dos espazos gañadores do II Concurso de Nadal en Marín
Por Redacción |
-
A 'Papanoelada' moteira solidaria, un aperitivo do Nadal
Por Redacción & Cristina Saiz |