A cabalgata de Reis de Moraña parará en todas as parroquias para evitar aglomeracións
Por Redacción
Moraña mantén o itinerario previsto para a cabalgata dos Reis Magos, pero realizará algunhas modificacións pensadas para evitar aglomeracións ante o avance da pandemia.
Así, non haberá participación de nenos e nenas nas carrozas e só sairán os tres Reis Magos, a partir das 16.30 horas, e realizarán o mesmo itinerario inicialmente previsto.
O que solicita o Concello á veciñanza é que as persoas que saian ver a cabalgata o fagan desde a parada da súa propia parroquia, sen desprazarse e sen baixar ao centro de Santa Lucía, evitando deste xeito aglomeracións de persoas.
O itinerario será: Campo de Lebón - Campo da Festa de Alberguería - Igrexa de Saiáns - Igrexa de Rebón - Soar - Cosoirado-Cemiterio - Capela dos Milagres de Amil - Casa Giao-Sorrego - Marquesina de Paraños - Molina-Alende - Parque da Bouza - Carballeira de Santa Xusta - Fonte de Trambosríos - Marquesina de Penagrande - Pumariño - Carballeira do Souto.
No casco urbano de Santa Lucía, a cabalgata fará paradas no Buelo, a Rúa 3, a Rúa 1, a Rúa 12, a Rúa Dr. Batallán, a Rúa 2, a Rúa 7 e a Rúa 6.
Ademais, suspenderase tamén o chocolate con rosca que estaba previsto.
Relacionadas:
-
Vilagarcía anuncia como será a súa Cabalgata de Reis en movemento
Por Redacción |
-
O Grove mantén a cabalgata de Reis pero suspende a recepción no Concello
Por Redacción |
-
Moraña abre este venres o belén artesanal e a aldea de Nadal na Carballeira
Por Redacción |
-
Mercar en galego durante o Nadal no comercio de Moraña ten premio
Por Redacción |
-
Un autobús levará os veciños de Moraña á recepción cos Reis Magos
Por Redacción |