Apoio económico provincial para empoderar mulleres en Honduras, El Salvador e Bolivia
Por Redacción
A Deputación de Pontevedra aprobou a concesión dunha nova liña de subvencións para proxectos liderados por Organizacións non Gobernamentais para a cooperación ao desenvolvemento (ONGD) por valor de 40.118, 36 euros.
As subvencións destínanse a organizacións que lideran proxectos vinculados á Axenda 2030 en paises empobrecidos. Os recursos que destina a institución provincial financian o total da contía solicitada polos tres colectivos que recibirán a axuda para poñer en marcha iniciativas de apoio ás mulleres de Honduras, Bolivia e El Salvador.
Amigos da Terra recibirá axudas por 15.00 euros para impulsar o proxecto 'Mellora do exercicio dos dereitos das mulleres rurais cunha vida saudable e libre de violencias e co empoderamento económico en comunidades do Corpus (Honduras). A Fundación Taller de Solidaridad contará con 10.118 euros para promover o 'Fortalecemento de empoderamento de mulleres indígeneas migrantes na súa vida familiar e social, desde o enfoque de xénero en desenvolvemento, en tres barrios de Ushpa Ushpa en Cochabamba (Bolivia)'.
Por último, Solidariedade Internacional de Galicia poderá emprender o proxecto 'Impulsando medios de vida resilientes para as mulleres en El Salvador' cun apoio da Deputación dun total de 15.000 euros.