Paloma Castro recolle o dobre dos avais precisos para presentarse como candidata á Secretaría provincial do PSdeG
Por Redacción
Este luns, Paloma Castro, deputada no Parlamento de Galicia, presentará os avais para enfrontarse a David Regades e Francisco Barreiro na loita por ocupar a Secretaría provincial do PSdeG. A que foi concelleira en Pontevedra logrou o apoio de 800 integrantes da formación cando só precísanse 398 avais.
"Por cada aval lograremos moitos máis votos", afirma Castro ao manter que "o importante é fortalecer o partido".e asegura que estes apoios mostran que "temos un partido vivo, con ganas de participar e de seguir avanzando".
A vicevoceira socialista no Parlamento galego quere poñer en marcha un proxecto socialista, de esquerdas, feminista e que estea á beira da militancia. Alega que "todos somos necesarios e o partido en Pontevedra avanzou con Gonzalo Caballero en Galicia e David Regades na provincia, polo que agora hai que acertar para que o PSOE desta provincia non retroceda, xuntos seremos máis fortes en Pontevedra".
Paloma Castro trasladarase durante a mañá deste 3 de decembro á sede do PSdeG en Santiago para presentar persoalmente os avais da súa candidatura. A campaña á Secretaría provincial está prevista do 8 ao 22 de xaneiro e a votación vai celebrarse o domingo 23. O IV Congreso está programado para os días 11 e 12 de febreiro.
Relacionadas:
-
Os socialistas pontevedreses presumen de integración e feminismo nunha nova executiva provincial
Por Redacción |
-
Acordo entre David Regades e Paloma Castro para unha candidatura única ao congreso do PSdeG-PSOE en Pontevedra
Por Alejandro Espiño |
-
Paloma Castro entrega os avais para optar á secretaría xeral do PSOE provincial
Por Redacción |
-
Paloma Castro presenta a súa precandidatura á Secretaría provincial do PSdeG
Por Redacción |
-
Os socialistas ratifican as datas do 11 e 12 de febreiro para o seu congreso provincial
Por Redacción |
-
Regades optará á reelección como secretario provincial do PSOE no congreso que haberá en febreiro
Por Oskar Viéitez |