A plataforma 'Asieolicosnon' protestará este sábado diante do edificio da Xunta en Campolongo
Por Oskar Viéitez
A Plataforma 'Asieolicosnon' convocou unha concentración de protesta este sábado 29 de xaneiro diante do edificio da Xunta de Galicia en Campolongo.
O alcalde de Ponte Caldelas, Andrés Díaz, confirmou a súa participación nesta mobilización xa que entende que "ese é o lugar no que hai que manifestarse porque a Xunta de Galicia é a única administración que pode autorizar ou rexeitar o parque".
Lembra tamén que foi a administración autonómica a que declarou o proxecto do Parque eólico dos Cotos de interese autonómico o pasado mes de outubro, "unha declaración que se fixo de xeito escuro e que a quen beneficia única e exclusivamente é á empresa que quere poñer en marcha o parque".
Andrés Díaz afirma que a Xunta foi a que sacou a exposición pública en pleno Nadal, "de maneira intencionada, para que dende os concellos nos tiveramos capacidade de maniobra e que os veciños non tiveses tempo para presentar alegacións.
"Agora mesmo está a tratar de aplacar a presentación masiva de alegacións nos rexistros da Xunta, pois só permite a presentación dunha alegación con cada cita previa e non están a aceptar as autorizacións de representación", denuncia o rexedor.
O alcalde de Ponte Caldelas anima a toda a veciñanza a participar masivamente neste concentración para amosar o rexeitamento social que existe contra este proxecto, que afecta de maneira directa a Ponte Caldelas a través da súa liña de evacuación, unha liña de alta tensión cuxo proxecto non saiu a exposición pública "pola intencionada fragmentación dos proxectos que levan a cabo as empresas co fin de agochar os impactos medioambientais".
Para facilitar a participación na concentración do sábado 29, o Concello de Ponte Caldelas porá autobuses a disposición dos seus veciños e nos vindeiros días informará dos percorridos e das paradas establecidas.
ALEGACIÓNS DO PP
O grupo municipal do Partido Popular en Ponte Caldelas ven de anunciar que presentará alegacións en contra do Parque Eólico dos Cotos, centradas na liña de evacuación e na defensa dos veciños afectados de Baltar, Buchabade, Mirón, entre outros lugares.
Os populares consideran "inadecuado" este proxecto eólico polo impacto visual e paisaxístico "así como os posibles problemas de saúde que pudera ocasionar á poboación por onde discurre a liña de alta e media tensión".
O PP insiste en rexeitar este proxecto industrial eólico por presentar "unha fragmentación artificiosa indebida vulnerando varios preceptos legais e normativas do sector eléctrico".
Por último, os concelleiros do PP lamentaron que a día de hoxe Andrés Díaz siga sen convocar a Xunta de Portavoces pedida polos populares para analizar os prexuízos deste parque eólico dos Cotos "mentras que o alcalde de Cerdedo-Cotobade leva xa unha decena de xuntanzas coa oposición".
Relacionadas:
-
VÍDEO.- 'Así Eólicos Non' mobilízase fronte á Xunta en Campolongo ante "un ataque sen precedentes á biodiversidade"
Por Diego Espiño & Cristina Saiz |
-
Fretan catro buses gratuítos desde Ponte Caldelas para protestar contra os eólicos diante da delegación da Xunta
Por Redacción |
-
O PSdeG-PSOE ve a Jorge Cubela "cómplice" dos 14 proxectos de parques eólicos por "inacción"
Por Redacción |
-
Os voceiros municipais de Cerdedo-Cotobade mostran o seu rexeitamento contra o parque eólico dos Cotos
Por Redacción |
-
Ponte Caldelas leva ao Defensor do Pobo as "chapuzas" na tramitación do parque eólico dos Cotos
Por Redacción |
-
Ponte Caldelas presentou os informes desfavorables ao Parque Eólico dos Cotos
Por Redacción |
-
Unanimidade en Cerdedo-Cotobade no rexeitamento ao Parque Eólico dos Cotos
Por Oskar Viéitez |
-
Masiva protesta baixo a choiva en Carballedo para dicir non ao parque eólico dos Cotos
Por Redacción & Cristina Saiz |
-
Andrés Díaz critica a "falta de compromiso de Cerdedo-Cotobade" contra o parque eólico dos Cotos
Por Redacción |
-
Os grupos municipais de BNG e PP de Ponte Caldelas súmanse á protesta contra o parque eólico dos Cotos
Por Redacción |
-
Discusión entre os gobernos de Cerdedo-Cotobade e Ponte Caldelas polo proxecto de parque éolico dos Cotos
Por Redacción |