Piden ao alcalde de Moraña que se una á reclamación de melloras no centro de saúde
Por Redacción
O voceiro municipal do BNG de Moraña, Marcos Suárez, vén de entregar unha carta dirixida ao alcalde José Cela na que a organización nacionalista solicita ao rexedor unirse á fronte común na defensa da atención primaria no centro de saúde, que se atopa, en palabras de Suárez nunha "situación absolutamente inasumiíbel e insoportábel tanto para o conxunto da veciñanza de Moraña como para os profesionais que traballan no centro".
Na misiva Suárez enumera os problemas que continúa arrastrando o centro de saúde, entre os que se atopan a falta de médicos, o que conleva a que se estean a dar citas médicas presencias e telefónicas cunha marxe de entre 18 e 20 días, a ausencia do pediatra compartido con Cuntis, a formación de colas diarias dentro e fóra do centro, ou a ausencia de persoal auxiliar que produce que non se collan chamadas telefónicas durante mañás enteiras.
Suárez lembra que a veciñanza de Moraña xa leva anos amosando o seu rexeitamento aos recortes continuados no centro de saúde con campañas de recollidas de sinaturas, preguntas no Parlamento e incluso dúas concentracións e outras dúas manifestacións compartidas co Concello de Cuntis na demanda da praza compartida de pediatría.
Por iso, entende que "é máis necesario ca nunca camiñar xunto á veciñanza e non quedar atrás na reclamación do dereito de todas e todos de poder contar cunha atención pública de calidade".
O voceiro municipal nacionalista asegura que este é o momento de "establecer unha estratexia conxunta de Concello, de pobo, para fortalecer, defender e mellorar a Atención Primaria do Centro de Saúde de Moraña, e por iso agardamos que todas as organizacións políticas, e tamén o Partido Popular de Moraña se sumen e poidamos traballar conxuntamente para reverter os recortes provocados durante anos no noso centro de saúde".
Relacionadas:
-
O contido deste cartel orixina unha nova protesta en Moraña contra a falta de persoal no Centro de Saúde
Por Redacción |
-
O centro de saúde de Moraña duplicará a superficie cando o Concello modifique o plan urbanístico
Por Redacción | Creada e actualizada
-
Os recortes no PAC de Caldas chegarán ao Parlamento da man do BNG
Por Redacción |
-
O alcalde de Caldas pide unha reunión con conselleiro de Sanidade ante a eliminación dun médico de urxencias no PAC
Por Redacción |
-
O Punto de Atención Temperá de Cuntis, un servizo "irrenunciable" para 60 menores da comarca
Por Redacción |
-
Cuntis e Moraña unirán forzas ante a "deficiente" atención sanitaria na comarca
Por Redacción |