Marín dá luz verde á proposta de adxudicación do proxecto do auditorio
Por Redacción
O pleno da corporación que se celebraou este xoves no salón de plenos dará luz verde á proposta de adxudicación realizada pola mesa de contratación para o proxecto de construción do Auditorio de Marín, correspondente á empresa Citanias, á que agora se lle requerirá a documentación correspondente.
Unha vez a empresa acepte a proposta e presente a documentación requerida, a adxudicación volverá de novo ao pleno para ser aprobada de xeito definitivo.
A partir de entón, comezará a contar atrás para o inicio das obras que dotarán a Marín dun auditorio que, segundo o Concello, "marcará un antes e un despois nas posibilidades culturais do municipio".
A proposta de adxudicación fíxose por un importe de 4,3 millóns de euros.
A obra está cofinanciada polo Fondo Europeo de Desenvolvemento Rexional (FEDER) da Unión Europea, a través de Marín Dusi, cunha inxección de 2 millóns de euros. Outros dous millóns de euros serán aportados pola Xunta de Galicia, a través dun convenio de colaboración coa Consellería de Medio Ambiente. O restante será aportado polo Concello a través dun préstamo.
Na oferta presentada por Citanias, valoráronse, entre outras cousas, o coñecemento do espazo no que se levantará o edificio, a previsión dos accesos e da circulación de vehículos e peóns, as técnicas construtivas e as calidades propostas, así como as análises realizadas pola empresa licitadora desde o punto de vista medioambiental.
Relacionadas:
-
Marín adapta o orzamento para o futuro auditorio, que custará finalmente 5,4 millóns
Por Redacción |
-
Marín declarará deserta a adxudicación do Auditorio e actualizará os prezos do orzamento
Por Oskar Viéitez |
-
O luns comezan as obras de rehabilitación do depósito da Costa
Por Redacción |
-
María Ramallo fixa os grandes retos de Marín para o próximo ano
Por Oskar Viéitez |
-
Aprobados tres convenios cos que a Autoridade Portuaria quere mellorar a relación coa vila
Por Redacción |
-
Aprobada por unanimidade a construción do novo auditorio de Marín
Por Redacción |