Galicia estará durante o venres baixo a influencia dun potente anticiclón centrado nas Illas Británicas. Con esta situación, agárdase algún banco de néboa matinal en zonas de interior, que dará paso a ceos despexados. As temperaturas non experimentarán cambios significativos. Os ventos soprarán frouxos, do sueste.

O sábado Galicia continuará na influencia das altas presións situadas sobre o centro de Europa. Deste xeito, o ceo estará despexado en xeral, con entrada de nubes de tipo medio e alto co avance do día polo oeste. As temperaturas non terán cambios significativos. O vento soprará frouxo de compoñente sur.

Durante o domingo a influencia anticiclónica verase dimininuída de xeito transitorio, cunha fronte pouco activa que se achega polo Atlántico. Con esta situación, agárdanse ceos con máis nubes canto máis ó oeste, con posibilidade de orballos no oeste da provincia da Coruña. As temperaturas experimentarán un ascenso entre lixeiro e moderado. Os ventos soprarán de compoñente sur, frouxos en xeral, fortes no litoral atlántico.