VÍDEO.- A CIG mostra na rúa o seu malestar coa reforma laboral: "Perpetúa o peor de todos os recortes"
Por Diego Espiño
A Confederación Intersindical Galega (CIG) botouse este domingo á rúa nas diferentes comarcas galegas para mostrar o seu rexeitamento á "fraude" que supón ao seu xuízo a nova reforma laboral proposta polo Goberno e esixir a derrogación das reformas impostas desde 2010.
En Pontevedra o sindicato nacionalista protagonizou unha manifestación que saíu ás 12.00 horas do mediodía desde a Praza da Ferrería para percorrer varias rúas do centro da cidade e finalizar fronte á Subdelegación do Goberno.
"A perversidade está en que nos queren vender como unha derogación o que realmente é unha perpetuación das reformas anteriores", asegurou o secretario comarcal de CIG, Marcos Conde.
Entende o responsable do sindicato en Pontevedra que a modificación que pretende aprobar o Goberno "perpetúa o peor de todos os recortes que foron dictados no seu momento e que trouxeron as consecuencias que estamos a vivir neste momento, que é unha precarización da clase traballadora".
Ademais desta xornada de protesta, a CIG ten previsto volver mostrar o seu malestar fronte á sede pontevedresa da Subdelegación do Goberno o día en que se celebre o pleno no Congreso no que se validen os cambios propostos, o que previsiblemente sucederá o próximo 3 de febreiro.
Relacionadas:
-
Chamado da CIG para a mobilización do un de maio "laboral pero tamén con compoñente social"
Por María José Pita |
-
A CIG mobilízase simultaneamente nas principais cidades galegas contra a reforma laboral
Por María José Pita |
-
Volven as protestas contra a reforma das pensións ás rúas de Pontevedra
Por Redacción |
-
A CIG maniféstase o domingo contra a reforma laboral porque acentúa a "eventualidade e a precariedade" no emprego
Por Mónica Patxot & Anxo Lourido |
-
Protesta da CIG contra os ERTEs no sector da automoción
Por Redacción |