Só as murgas e Ravachol se salvan do tradicional Entroido pontevedrés
Por Alejandro Espiño
O Entroido de Pontevedra volverá a estar marcado irremediablemente pola pandemia. Haberá festa pero adaptada ás actuais circunstancias e cumprindo os protocolos marcados pola Xunta.
Así, haberá elementos da programación tradicional que se poderán manter pero outros non, segundo adiantou a portavoz do goberno municipal, Anabel Gulías.
Dentro da oferta na que traballa o departamento de Festas, Pontevedra seguirá organizando o pregón do Entroido, pero será nun espazo acoutado e perimetrado.
Ademais, haberá concurso de murgas no Pazo da Cultura e tamén se queimará o Loro Ravachol, pero non haberá velorio nin cortexo fúnebre.
As autoridades municipais descartan pola súa banda celebrar o desfile, a Mostra da Parodia e a Noite Pirata, se ben esta última reformularase como o "día pirata" e as rúas ambientaranse con barcos durante toda a xornada.
Haberá tamén unha festa infantil, pasarrúas para dar ambiente festivo á cidade durante toda a semana e outras actividades complementarias como unha exposición con carteis do entroido e outras imaxes icónicas.
Os detalles da programación do Entroido pontevedrés coñeceranse nos próximos días.
Relacionadas:
-
O Concurso de Murgas redúcese a dous días ao contar con só catro agrupacións inscritas
Por Redacción |
-
VÍDEO.- 'Equipo Ja' celebra co seu pregón o regreso dun Entroido que "é máis necesario do que cremos"
Por Diego Espiño & Mónica Patxot |
-
Santiago Paredes fai entrega dos dous modelos de cartel para o Entroido da cidade que comeza este venres
Por Redacción |
-
Urco, rei do Entroido, volverá o 25 de febreiro a insuflar festa e tradición nas rúas pontevedresas
Por Redacción |
-
Os ravacholiños estrean caixas que contan a historia do popular papagaio
Por Mónica Patxot & María José Pita |
-
O Entroido pontevedrés quenta motores: "Os de Sempre" preparan o seu debut nas Murgas
Por Redacción |
-
O Entroido celebrarase en Bueu con actividades reducidas e sen enterros
Por Redacción |
-
O Entroido de Vilagarcía recupera o desfile de disfraces pero perde o certame de comparsas e o baile infantil
Por Redacción |
-
Reunión no Concello de Marín para deseñar as actividades do Entroido
Por Redacción |
-
A Xunta permite os desfiles de Entroido pero prohíbe fumar
Por Oskar Viéitez |