Paso adiante nos trámites para mellorar a estrada PO-234 entre Laxoso e o cruce de Portasouto
Por Redacción
A Consellería de Infraestruturas e Mobilidade publicaba este luns 31 de xaneiro no Diario Oficial de Galicia a resolución pola que aproba o expediente de información pública do proxecto para mellorar a estrada PO-234, entre Laxoso e o cruzamento de Portasouto no municipio de Ponte Caldelas.
O investimento previsto ascende a máis dun millón de euros. Segundo a información facilitada pola Xunta, estes traballos servirán para acondicionar o tramo desta vía autonómica que se atopa entre os puntos quilométricos 2+580 e 4+150. Con este proxecto, a administración autonómica completará o acondicionamento da estrada que conecta os núcleos de Ponte Caldelas e Aguasantas, en Cerdedo-Cotobade. As dúas primeiras fases executáronse cun investimento próximo aos 1,25 millóns de euros.
A previsión é que se reforme o trazado e amplíese a calzada ata os 7 metros de ancho. Tamén está previsto que se melloren as interseccións e crearanse cunetas de seguridade, con obras de drenaxe transversal e lonxitudinal. Tamén se repoñerá a sinalización horizontal e vertical, ademais das barreiras de seguridade flexibles.
A obra supón a terceira fase, despois de acometer o tramo entre o cruzamento de Portasouto e Aguasantas, ademais do tramo entre Ponte Caldelas e Laxoso.
Relacionadas:
-
A Xunta saca a licitación as obras que completan a mellora da PO-234 entre Laxoso e o cruce de Portasouto
Por Redacción |
-
Os atrasos na ampliación da PO-234 débense á tramitación das expropiacións, segundo a Xunta
Por Oskar Viéitez |
-
A Xunta convoca os afectados polas obras da PO-234 entre Laxoso e Portasouto
Por Redacción |