Lores participa este luns en París na segunda parte da gravación do documental de Canal Arte sobre o modelo urbano
Por Redacción
O alcalde de Pontevedra, Miguel Anxo Fernández Lores, viaxou nas últimas horas a París para participar este luns na segunda parte da gravación do documental que se elabora sobre o modelo de cidade aplicado nas últimas décadas en Pontevedra.
Trátase dun documental da cadea de televisión francesa Canal Arte e céntrase en analizar solucións a preguntas sobre o uso do coche nos espazos urbanos. A produción escolleu Pontevedra, segundo indican desde o goberno local, como referente de mobilidade e con algunhas respostas sobre os debates que se expoñen na actualidade sobre os sistemas que se deben establecer nas cidades do futuro para reducir as contaminacións e dotar de máis espazos aos viandantes.
A primeira parte do documental realizouse nas rúas da capital pontevedresa o 16 de outubro. Xa naquela ocasión recolléronse declaracións do alcalde na contorna da Ferrería.
Fernández Lores viaxará, despois desta gravación, á cidade portuguesa de Porto porque o martes asistirá en Valongo, como convidado, a unha reunión da comisión de Política para a Sustentabilidade Urbana do Eixo Atlántico.
Relacionadas:
-
Pontevedra, invitada a explicar a súa transformación urbana no Parlamento Europeo
Por Alejandro Espiño |
-
Encontro de Lores en París para debater sobre o futuro das cidades
Por Redacción |
-
Crece o interese internacional polo modelo cultural de Pontevedra
Por Alejandro Espiño |
-
Canal+ Francia grava un documental sobre Pontevedra: "Pensei que non habería ningún coche", di a autora
Por Oskar Viéitez |