A busca "no ha concluido", di o Goberno, que agarda "condiciones mejores" para retomala "de algún modo"
Por Alejandro Espiño
Tras reunirse cos familiares do Villa de Pitanxo en Marín, onde non quixo realizar declaracións públicas por "respecto" a todos eles, Luis Planas, pronunciouse este venres sobre as tarefas de procura dos doce desaparecidos tras o naufraxio do barco.
En declaracións a La hora de La 1, en TVE, o ministro de Agricultura, Pesca e Alimentación asegurou que estas tarefas "no han concluido" e as autoridades esperan que haxa "condiciones mejores" para poder retomala "de algún modo".
A este respecto, Planas indicou que o ministro de Exteriores, José Manuel Albares, conversou onte á noite co seu homólogo canadense para "instar" a que estes traballos de procura continúen.
A climatoloxía na zona é "mucho más difícil" que cando se decidiu suspender esta tarefa, polo que o Goberno confía en que se retomen ante a "mínima ventana de oportunidad".
Ademais, o responsable de Pesca no Goberno mandou unha mensaxe aos tres buques españois que seguen na zona para que "maximicen su capacidad de atención" ante a posibilidade de atopar o corpo dalgún dos desaparecidos.
Relacionadas:
-
As familias do Villa de Pitanxo esixen "reacción" ao Goberno con "feitos e non palabras"
Por Alejandro Espiño & Natalia Puga & Mónica Patxot |
-
O mal tempo atrasa ao sábado a chegada a terra dos tres sobreviventes do naufraxio
Por Alejandro Espiño |
-
Activan a investigación oficial sobre o naufraxio, que deberá concluír antes dun ano
Por Alejandro Espiño |
-
"Petición unánime" de familias e alcaldes para que "se faga un esforzo para seguir buscando"
Por Natalia Puga & Mónica Patxot & Alejandro Espiño |
-
Indignación nas familias: "Que non se cale e se aplauda que abandonen en menos de 48 horas"
Por Natalia Puga & Mónica Patxot |