Loito oficial en España o próximo 21 de febreiro polo naufraxio do Villa de Pitanxo
Por Redacción
O Goberno acordou declarar un día de loito oficial, o vindeiro luns 21 de febreiro, con motivo do naufraxio do pesqueiro galego Villa de Pitanxo en augas de Terranova (Canadá).
Así o avanzou a portavoz do executivo, Isabel Rodríguez, tras a reunión do consello de ministros.
O titular de Exteriores, segundo Rodríguez, traballa "permanentemente" co Goberno de Canadá e está a falar coa súa homóloga canadense, Melanie Joly, para que "segundo permitan as condicións meteorolóxicas se poida seguir coa tarefa de procura de desaparecidos".
O barco canadense que transportaba os corpos sen vida de dous pescadores recuperados do naufraxio do pesqueiro chegou xa ao porto de San Xoán de Terranova.
A portavoz sinalou que mañá tamén chegará ao mesmo porto o barco galego que estaba a faenar en Terranova, que traslada a tres sobreviventes e aos outros sete falecidos.
Tras reiterar as condolencias aos familiares e amigos dos falecidos e desaparecidos, a ministra mostrou o apoio do Goberno ao sector da pesca, que "faena en condicións de perigo e traballa para asegurar a alimentación".
Relacionadas:
-
A campaña de sinaturas para reactivar o rescate dos corpos segue sumando apoios
Por Alejandro Espiño |
-
Rogelio Franco, peruano residente en Pontevedra, primeiro falecido identificado do Villa de Pitanxo
Por Natalia Puga & Alejandro Espiño |
-
Crece a "angustia" entre as familias do Villa de Pitanxo tras unha reunión "sen compromisos" co Goberno
Por Alejandro Espiño & Mónica Patxot |
-
O instituto Valle-Inclán arroupa a Janet, alumna que perdeu ao seu pai no naufraxio
Por Natalia Puga & Mónica Patxot |
-
As familias do Villa de Pitanxo esixen "reacción" ao Goberno con "feitos e non palabras"
Por Alejandro Espiño & Natalia Puga & Mónica Patxot |
-
O mal tempo atrasa ao sábado a chegada a terra dos tres sobreviventes do naufraxio
Por Alejandro Espiño |
-
Pésame e solidariedade do papa coas vítimas do naufraxio e as súas familias
Por Redacción |