8M | Cerdedo-Cotobade homenaxea ás cociñeiras dos comedores escolares do municipio
Por Redacción
As sete cociñeiras dos comedores escolares dos colexio de Carballedo, Tenorio e Cerdedo foron as protagonistas do emotivo acto oficial celebrado en Cerdedo-Cotobade con motivo do 8M, o Día Internacional da Muller.
Plácida, Unila, Marina, Amalia, Eulalia, Purificación e María del Carmen e as súas familias participaron neste acto de recoñecemento público e social que tivo lugar no recentemente inaugurado centro cultural e turístico Antonio Fraguas, en Carballedo.
As homenaxeadas recibiron unha lámina e un ramo de flores como xeito de expresarlles o agradecemento e o recoñecemento público polos seus anos de dedicación e traballo.
Na súa intervención, o alcalde destacou o compromiso do seu goberno municipal coas políticas de fomento da igualdade entre homes e mulleres e contra calquera xesto e comportamento de machismo e violencia de xénero.
"Temos que implicarnos todos para evitar comportamentos sexistas, eliminar o machismo e, sobre todo, erradicar para sempre calquera situación de violencia exercida contra as mulleres. Temos que ser proactivos neste tema e non baixar a garda en ningún momento", indicou Jorge Cubela.
Relacionadas:
-
Homenaxe a dúas farmacéuticas e dúas hostaleiras polo 8M en Cerdedo-Cotobade
Por Redacción |
-
8M | Marín destaca o "exemplo" das mulleres profesionais do sector do transporte
Por Redacción |
-
8M | Bueu reivindica unha "igualdade real" entre homes e mulleres
Por Redacción |
-
8M | Reclaman desde Pontevedra "o máis xusto do mundo": os dereitos das mulleres
Por Oskar Viéitez & Mónica Patxot |
-
8M | Os colexios pontevedreses tamén reivindican a igualdade no Día da Muller
Por Redacción |
-
8M | Estes son os horarios, actos e principais marchas organizadas polo Día da Muller
Por Redacción |