O espazo 'Gastro' do Mercado celebra San Patricio con menús especiais, música e moita cervexa
Por Oskar Viéitez
Ademais de acoller unha cata comentada de cervexas artesás que terá lugar o xoves 17 en dúas sesións de tarde (ás 19:30 e ás 20:30 horas), o Mercado de Abastos celebrará nos vindeiros días unhas Xornadas Gastroirlandesas para conmemorar a festividade de San Patricio.
Gastronomía e música irlandesas serán as protagonistas dunha programación deseñada pola Concellería de Promoción Económica que terá o Gastroespazo como escenario e que se desenvolverá entre o xoves 17 e o domingo 20 de marzo.
"Todos aqueles que pasen polo Mercado nestes días poderán degustar un menú especial, que incluirá pratos típicos como irish salmon, irish stew (estofado irlandés) e apple crumble (crocante de mazá), e cervexa", explica a concelleira de Promoción Económica, Yoya Blanco.
O prezo do menú programado é de 15 euros e 5 euros máis pola cervexa "a escape libre".
Haberá ambientación con música, e o día 19 terá lugar o concerto de Flip Corale en acústico ás 13 horas.
Recoméndase reservar praza a través do email pontevedragastromercado@gmail.com
Relacionadas:
-
Intervención policial por dous incidentes entre hostaleiros do 'gastromercado'
Por Natalia Puga |
-
Xa está aberta a carpa da praza de España para celebrar San Patricio cos Mareantes
Por Mónica Patxot & Oskar Viéitez |
-
O Mercado de Abastos prepárase para un novo Ganapán larpeiro e creativo
Por Redacción |
-
Dous anos despois, Pontevedra volverá tinguirse de verde polo San Patricio
Por Manu Otero |
-
Exposición no Mercado para reivindicar as seleccións deportivas galegas
Por Mónica Patxot & Anxo Lourido |
-
O amarre da frota, "inevitable" pola alza do prezo dos combustibles
Por Alejandro Espiño |
-
Homenaxe ás praceiras "que enchen de vida" o Mercado de Pontevedra
Por Redacción |