Sae a licitación a mellora da drenaxe da estrada entre Muíño e Campañó
Por Redacción
A Deputación de Pontevedra acaba de sacar a licitación as obras de mellora da drenaxe lonxitudinal na EP-0603 Muíño-Campañó, ao seu paso polo concello de Poio, nas que se inviste un orzamento de 168.577 euros.
Estes traballos desenvolveranse nun quilómetro e medio desta estrada, onde se procederá á limpeza de ambas marxes, así como á realización das obras de drenaxe e a execución de muros de contención, no marco do modelo de mobilidade da institución provincial para garantir a seguridade viaria en toda a súa rede de estradas.
Amais da roza e limpeza das cunetas por ambas marxes, noiros e terrapléns, procederase ao levantado do firme para a colocación da nova tubaxe drenante.
Tamén está prevista a execución dun muro de contención de ata 3,5 metros de altura a base de bloques de pedra e dunha cuneta remontable no treito afectado.
As empresas teñen de prazo ata o 5 de abril para a presentación das súas ofertas.
Relacionadas:
-
Inician a reparación da estrada do Muíño, afundida polos desperfectos da estrutura de drenaxe
Por Redacción |
-
Adxudicados os traballos para dotar dunha cuneta transitable á estrada do Muíño
Por Oskar Viéitez |
-
Unha pradaría con árbores autóctonas substituirá na Xunqueira de Alba ao parque provincial de maquinaria
Por Alejandro Espiño |
-
Cirrios, rulas ou garzas poboan a Xunqueira de Alba, que suma 145 especies
Por Mónica Patxot & María José Pita |
-
O novo parque de maquinaria da Deputación ocupará case 9.000 metros cadrados
Por Redacción |
-
Os veciños de Campolongo piden o inicio da obra de descuberta do tramo urbano do Gafos neste mandato
Por Anxo Lourido |