Cerdedo-Cotobade pecha as contas de 2021 con superávit e un remanente de 200.000 euros
Por Redacción
O Concello de Cerdedo-Cotobade pechou a execución orzamentaria do ano 2021 con números positivos, lanzando un superávit de 665.552,86 euros.
Ademais estas contas deixan un remanente de tesourería nas arcas municipais de 200.000 euros e "débeda cero" con entidades bancarias, segundo explicou o alcalde, Jorge Cubela.
"Dá boa mostra do equilibrio orzamentario e da estabilidade económica do Concello que estamos a impulsar desde o grupo de goberno a pesar de contar con investimentos históricos no noso municipio e seguir mantendo un alto nivel de atención á veciñanza en materia social", defende o rexedor.
Segundo Cubela, tras partir dun orzamento de preto de 4 millóns de euros e lograr alcanzar partidas definitivas próximas aos 9 millóns, "o Concello atópase en situación de estabilidade orzamentaria".
Esta situación permite á administración local contar con capacidade investidora e cumprir sen contratempos co período medio de pago aos seus provedores.