Ponte Caldelas convoca unha protesta contra o proxecto dunha presa en Forzáns e ameaza coa vía xudicial
Por Redacción
Como xa fixo nos anos 2017 e 2018 ante o proxecto de transvasamento que se pretendía no río Verdugo, o Concello de Ponte Caldelas volverá amosar na rúa a súa oposición á proposta de construción dunha presa en Forzáns e un transvasamento de auga no Verdugo, augas abaixo do municipio.
Así, o Concello acaba de convocar unha manifestación para amosar o rexeitamento. A mobilización terá lugar o domingo 8 de maio e partirá ás 12.00 horas do Concello.
O Concello de Ponte Caldelas solicitou por escrito á Confederación Hidrográfica Miño-Sil a remisión do estudo de alternativas para mellorar o abastecemento a Vigo e zona sur de Pontevedra para poder coñecer de primeira man en que consisten todas as propostas que nel se plantexan.
Aínda que non hai un proxecto firme e o que se está a manexar é un estudo, o alcalde, Andrés Díaz, amosou xa o seu rexeitamento total a este conxunto de propostas e este venres sinalou, a través dun comunicado, que na manifestación do domingo 8 quedará plasmado tamén o rexeitamento social da veciñanza de Ponte Caldelas.
Ademais, Andrés Diaz agarda que a Xunta de Galicia non autorice ningunha destas actuacións, que considera "barbaridades ambientais", e avisa de que, en caso de que sigan adiante, o Concello de Ponte Caldelas irá á vía xudicial.
O rexedor tamén solicitou xa unha reunión con Alfonso Rueda, vicepresidente da Xunta e, segundo todos os prognósticos, futuro presidente, así como coa directora de Augas de Galicia. O seu obxectivo é coñecer de primeira man "se tanto a Xunta como Augas de Galicia, que son a autoridade competente, están dispostos a autorizar estas dúas barbaridades ambientais que se plantexan e que afectan directamente a Ponte Caldelas".
A presa e o transvasamento forman parte dun proceso para buscar unha solución aos problemas de seca no Concello de Vigo e dos concellos que tamén ‘beben’ do Encoro de Eiras: Redondela, Cangas, Moaña, Nigrán, O Porriño, Mos, Gondomar, Baiona, Salceda de Caselas y Soutomaior.
O alcalde de Ponte Caldelas quixo lembrarlle ao seu homólogo de Vigo, Abel Caballero, do seu mesmo partido, o PSOE, que en 2017 Ponte Caldelas xa freou o transvasamento que pretendían facer no río Verdugo e esíxelle que busque alternativas ao problema da auga en Vigo e nos 12 concellos da súa área metropolitana "sen tocar o Río Verdugo e sen ocorrencias como o feito de construír encoros en pleno século XXI".
Relacionadas:
-
Ponte Caldelas busca unha fronte de 11 concellos que beben de Eiras contra o transvasamento do Verdugo
Por Redacción |
-
Reclaman que a Xunta "non se agoche e dea a cara" na defensa do Verdugo e do Oitavén
Por Alejandro Espiño |
-
Andrés Díaz acusa a Abel Caballero de seguir malgastando auga como na seca do 2017
Por Manu Otero |
-
Profundo rexeitamento en Ponte Caldelas ao proxecto para abastecer auga a Vigo desde o Verdugo
Por Alejandro Espiño |
-
A veciñanza de Forzáns promove unha plataforma contra a creación do encoro no río Oitavén
Por Redacción |
-
Augas de Galicia confirma a Ponte Caldelas o arquivo definitivo do expediente para o transvasamento do Verdugo
Por Redacción |
-
Ponte Caldelas celebra a rectificación da Xunta sobre o transvase do Verdugo
Por Redacción |