O turismo na provincia bateu o récord esta Semana Santa superando os rexistros do 2019
Por Redacción
Esta Semana Santa a afluencia de visitantes e turistas volveu bater récords na provincia de Pontevedra, chegando a rexistrar unha ocupación media do 80% nos establecementos hoteleiros que mesmo superou os rexistros do 2019.
O goberno provincial valora como "espectaculares" os datos que recolle o Observatorio de Turismo da Deputación de Pontevedra, e lembra que supoñen vinte puntos máis do previsto para establecementos hoteleiros e dez puntos máis para vivendas turísticas, chegando a ser, nalgunhas localidades, un 15% superiores á Semana Santa do 2019.
Nos establecementos de turismo rural a porcentaxe situouse en toda a provincia por riba do 70%, mantendo a cifra estimada antes dos festivos.
Pola súa banda, nas vivendas turísticas da provincia a ocupación foi tamén mellor do previsto, superando o 92% o que supón 12 puntos máis que o estimado antes da Semana Santa. Esta porcentaxe media provincial foi superada en localidades como Sanxenxo ou Cangas que chegou ao 100% entre o xoves e o domingo. Nestes establecementos aloxáronse principalmente persoas de Asturias, Castela e León e do Norte de Portugal.
PERFIL
En canto ás persoas que visitaron o destino Pontevedra Provincia durante a Semana Santa do 2022 proviñan principalmente do Estado e en concreto de Madrid, Biscaia e Barcelona. En canto aos turistas estranxeiros procederon de Portugal, Alemaña, Francia, Colombia, Estados Unidos e Reino Unido. Todos eles tiñan maioritariamente entre 35 e 60 anos, aloxáronse en hoteis durante 4 e 6 días e acudían á provincia motivadas por aspectos relacionados coa cultura.
Relacionadas:
-
A Asociación Galega de Artesáns xestionará a Feira de Artesanía de Portonovo
Por Redacción |
-
A Mancomunidade do Salnés formará aos propietarios de vivendas turísticas para que promocionen os recursos da comarca
Por Oskar Viéitez |
-
Altas presións nas Rías Baixas con temperaturas que aumentarán ata os 26 graos cara á fin de semana
Por Redacción |
-
A Deputación aproba 1,6 millóns de euros en axudas destinadas a 9 concellos da provincia
Por Oskar Viéitez |
-
O Museo constata a súa volta a normalidade ao rexistrar case 4.500 visitas nesta Semana Santa
Por Redacción |
-
Valoración positiva en Poio do 65% de ocupación hoteleira acadado na Semana Santa
Por Redacción |
-
Caldas de Reis rozou a plena ocupación na Semana Santa
Por Redacción |
-
Portugal, Arxentina e Alemaña, os países que máis visitantes trouxeron a Pontevedra en Semana Santa
Por María José Pita |
-
Sanxenxo supera "amplamente" os datos turísticos da Semana Santa de 2019
Por Redacción |
-
Ocupación dun 80% de media en Sanxenxo nunha Semana Santa "moi positiva" para o sector turístico
Por Redacción |