Amizade aborda co alcalde de Poio a accesibilidade dos edificios municipais
Por Redacción
Representantes da directiva de Amizade reuníronse este mércores co alcalde de Poio, Luciano Sobral, para abordar unha serie de cuestións como a situación de accesibilidade dos edificios municipais, a accesibilidade ao entorno urbano, os aparcamentos, outorgamento das tarxetas de estacionamento, entre outros asuntos.
O alcalde comprometeuse a estudar as demandas presentadas e a manter un contacto máis fluído cos representantes de Amizade co obxectivo de mellorar a actuación municipal.
A xuntanza serviu xa para comprometerse a ter unha reunión con responsables da Policía Local na que a asociación Amizade proporá a necesidade de efectuar campañas de control de uso das tarxetas de estacionamento co obxectivo de detectar posibles situacións de fraude.
Con esta campaña pretenden achegar a súa visión sobre como deben ser as políticas que afectan á vida das persoas con discapacidade, de maneira que se faga efectivo o lema de "Nada sobre nós, sen nós", e coa intención tamén de "informar e formar a políticos e técnicos para que o resultado do seu traballo futuro sexa mellor que o actual".
Relacionadas:
-
Amizade denuncia o mal estado da cadeira anfibia na praia de Portocelo
Por Redacción |
-
Unha aplicación móbil monitorizará as prazas de aparcamento para persoas con discapacidade en Caldas de Reis
Por Redacción |
-
Marga Caldas estuda con Amizade as actuacións a realizar para garantir unha mobilidade sen barreiras en Poio
Por Redacción |
-
Convenio con Amicos para emprender accións que favorezan a persoas con capacidades diferentes
Por Redacción |
-
Denuncian a "desesperante espera" das persoas con discapacidade para ter unha valoración axeitada
Por Oskar Viéitez |
-
Amizade anima á cidadanía a marcar 'Fins sociais' na súa declaración da renda
Por Redacción |