O Consello da Xunta autoriza as expropiacións para as obras da primeira fase da estrada PO-546 en Estribela
Por Redacción
Creada e actualizada
Creada e actualizada
O Consello da Xunta autorizou este xoves o decreto polo que se declara a utilidade pública e se dispón a urxente ocupación dos terreos necesarios para executar as obras da primeira fase de humanización do treito da estrada autonómica PO-546 no núcleo de Estribela.
A Consellería de Infraestruturas e Mobilidade publica este venres no Diario Oficial de Galicia (DOG) a aprobación do proxecto de construción desta primeira fase de humanización.
A actuación conta cun investimento autonómico de preto de 950.000 euros e suporá a reurbanización completa dun treito de 500 metros da estrada vella de Marín, na procura do calmado de tráfico e dun maior espazo para os peóns.
Ampliaranse as beirarrúas a un mínimo de 2 metros e anchearase puntualmente a vía. Disporase de novas luminarias, habilitaranse 3 pasos de peóns sobreelevados con iluminación intelixente e renovaranse os refuxios de autobús.
A Consellería de Infraestruturas licitará as obras no segundo semestre deste ano, co obxectivo de comezalas no primeiro semestre de 2023.
A Xunta anuncia unha "transformación integral da PO-546 como eixo de mobilidade sostible, con accións tamén entre Mollabao e Os Praceres e desde o final da 1ª fase en Estribela ata a rúa Concepción Arenal, en Marín".
Relacionadas:
-
A estrada vella de Marín, ás portas da transformación "máis nunha rúa e menos nunha estrada"
Por Natalia Puga & Mónica Patxot |
-
A reurbanización da PO-546 en Estribela atrásase ata principios de 2023
Por Redacción |
-
A Xunta proxecta humanizar a estrada vella a Marín e catro aparcadoiros na contorna da capital
Por Oskar Viéitez & Mónica Patxot |
-
O Gran Montecelo e o saneamento da ría acaparan o investimento da Xunta en Pontevedra para 2022
Por Alejandro Espiño |
-
A Asociación Estriceres traslada á Xunta as súas propostas ao proxecto de reforma da estrada vella de Marín
Por Oskar Viéitez |
-
A primeira fase da mellora da estrada vella de Marín suporá expropiar 12 fincas e poderá estar en obras en 2022
Por Natalia Puga |