Motos camufladas en Pontevedra para controlar as estradas máis frecuentadas
Por Redacción
A Garda Civil reforzou os seus dispositivos para detectar condutas imprudentes na estrada. Así, durante a pasada fin de semana, botaron man de motocicletas camufladas para controlar as vías máis frecuentadas da provincia.
Formaron parte do dispositivo despregado polo Subsector de Tráfico de Pontevedra no marco da campaña da DXT para o control da circulación dos motoristas.
Co fin de reducir a accidentalidade e controlar estes desprazamentos, a Garda Civil empregou os habituais vehículos rotulados e as motocicletas camufladas, pilotadas por axentes de paisano utilizando chalecos reflectores oficiais.
Desde o Subsector de Tráfico de Pontevedra, independentemente das campañas que poida prever a DXT, avanzan que continuarán desenvolvendo este tipo de dispositivos.
Será todo as fins de semana nos que a climatoloxía permita ou favoreza o incremento de desprazamentos neste tipo de vehículos.