A Deputación presenta á veciñanza o proxecto que acometerá da estrada de Quireza cando concello ceda os terreos
Por Redacción
O deputado provincial de Infraestruturas, Gregorio Agís, explicou á veciñanza de Quireza que as obras para completar a mellora da estrada provincial EP-7102, no tramo Fondós-Bugarín, cun investimento superior aos 450.000 euros, comezarán en canto o Concello de Cerdedo-Cotobade poña os terreos a disposición da Deputación.
O deputado celebrou unha xuntanza na Casa do Pobo de Quireza para presentar un proxecto que xa está redactado e listo para licitar.
Gregorio Agís entregou ao alcalde, Jorge Cubela, as fichas das 76 parcelas afectadas polas obras unha vez que dende o Concello aceptouse que a sección idónea para este tramo son 7 metros e non unha plataforma de 9 metros como se viña reclamando ata o de agora. Ao tratarse dunha vía cunha Intensidade Media de Tráfico de algo máis de 100 vehículos ao día e, atendendo ás características do trazado, considérase máis seguro e eficiente apostar por este deseño par ao tramo comprendido entre os PQ 1+950 e PQ 3+150.
Neste caso concreto, o alcalde de Cerdedo-Cotobade deu prioridade aos convenios para executar a gran obra de urbanización no núcleo de A Chan, en Carballedo, o que supuxo un investimento duns 600.000 euros e, a continuación, expresou a súa vontade de afrontar a mellora da seguridade e tránsito peonil pola estrada de Almofrei, onde a Deputación investirá outros 957.890 euros no segundo convenio co Concello.
Agora, unha vez que dende a Alcaldía se expresa a vontade de colaborar coa cesión de terreos para a ampliación deste tramo na estrada de Quireza, no territorio do antigo concello de Cerdedo, a Deputación só está pendente de recibilos para asumir esta obra, para a que non é necesario convenio ao tratarse de traballos de pavimentación.
Relacionadas:
-
O Pleno municipal desbloquea o convenio coa Deputación para mellorar a estrada de Almofrei
Por Oskar Viéitez |
-
Cubela presume de recoller en tempo récord a cesión veciñal de 69 leiras afectadas pola ampliación dunha estrada
Por Redacción |
-
Jorge Cubela inspecciona o remate das obras en viais de Currás e As Cruces
Por Redacción |
-
Cubela recolle firmas de cesión de terreos para que a Deputación acometa "de inmediato" as obras en Fondós-Bugarín
Por Redacción |
-
Viascón leva máis dunha semana sen telefonía e internet e Movistar non resolve o problema
Por Redacción |
-
A Deputación aproba novas achegas do Plan Concellos para Poio, Vilanova e Vilagarcía
Por Oskar Viéitez |
-
A Deputación insta a Cubela a que entregue os terreos para iniciar as obras nas estradas de Almofrei e Quireza
Por Oskar Viéitez |
-
Gregorio Agís acusa a Cubela de "intentar tapar a súa incapacidade" para conseguir os terreos da estrada de Almofrei
Por Oskar Viéitez | Creada e actualizada
-
Jorge Cubela pide reunirse coa Deputación para axilizar a mellora da estrada Fondós-Bugarín
Por Redacción |