O secretario de estado Fernando Valdés celebrará en Pontevedra o Día Internacional do Turismo
Por Redacción
O secretario de Estado de Turismo, Fernando Valdés, celebrará na provincia de Pontevedra o próximo 27 de setembro o Día Internacional do Turismo e participará nos actos que a Deputación xa está a ultimar.
A administración provincial organizará unha xornada na que abordará, da man de recoñecidas persoas expertas, os retos da sostibilidade e a dixitalización, e tamén coincidirá co arranque da nova edición da aceleradora provincial de turismo.
Así o confirmou o propio Valdés á presidenta da Deputación, Carmela Silva, no encontro mantido este mércores en Madrid, unha reunión "moi frutífera" na que a presidenta presentou ao secretario de Estado a estratexia provincial para este período 2022-2024, e con quen concordou na "oportunidade histórica" que, tamén para o turismo, están a supoñer as convocatorias dos Next Generation.
No encontro na sede da Secretaría de Estado, Carmela Silva e Fernando Valdés repasaron todos os proxectos nos que traballa a Deputación, financiados polo Goberno de España a través dos fondos europeos e fondos propios, así como as novas accións que se van a implantar no modelo turístico de Rías Baixas que, co traballo destes anos, tense convertido no principal destino de Galicia e un dos primeiros de todo o Estado.
Relacionadas:
-
O secretario de Estado de Turismo confirma máis de 8 millóns de euros de investimento no Salnés
Por Oskar Viéitez |
-
A Deputación recibe outro premio pola súa aposta pola dixitalización do destino turístico Rías Baixas
Por Redacción |
-
A Deputación destina outros 5,2 millóns de euros en recursos para os concellos
Por Oskar Viéitez |
-
Carmela Silva e Lores asinan un convenio para organizar PonteSan, Ponteciencia e o GastroLab
Por Oskar Viéitez & Diana Eiras |
-
Pontevedra tratará de captar rodaxes das principais produtoras de Hollywood
Por Oskar Viéitez |
-
A campaña da Deputación Love Rías Baixas confirma o seu "exitazo" en Bilbao
Por Redacción |
-
Un Plan de Enogastronomía para converter á provincia nun territorio de excelencia
Por Redacción |