A Xunta tamén subvencionará a rehabilitación enerxética nas segundas residencias
Por Redacción
A conselleira de Medio Ambiente, Territorio e Vivenda, Ángeles Vázquez, explicou este luns en Sanxenxo que as novas axudas á rehabilitación enerxética en edificios e vivendas tamén se poden solicitar para segundas residencias.
Así, propietarios e comunidades disporán de axudas de ata 38.750 euros para renovar fachadas e cubertas ou para cambiar equipos de calefacción e auga quente en vivendas e edificios cun aforro enerxético mínimo do 30%.
Ángeles Vázquez participou este luns no encontro informativo #ConstruíndoFogar organizado polo seu departamento e co que percorre diferentes comarcas galegas para dar a coñecer entre os seus potenciais beneficiarios o conxunto de subvencións en materia de vivenda que se convocarán ao longo de 2022.
A conselleira tamén animou aos cidadáns a pedir as axudas de ata 3.000 euros para cambiar as ventás da súa vivenda habitual, un programa que xa recibiu máis de medio milleiro de solicitudes.
A Xunta convocará por un orzamento de, como mínimo, 1,5 millón de euros unha liña de incentivos dirixida a mozos para comprar vivenda en concellos de menos de 10.000 habitantes, polo que beneficiará a 37 municipios da provincia de Pontevedra, 4 deles do Salnés.
Relacionadas:
-
As axudas europeas para a rehabilitación suscitan o interese veciñal
Por Redacción |
-
Nova convocatoria de axudas para rehabilitar vivendas en Estribela e no casco histórico pontevedrés
Por Redacción |
-
Os arquitectos técnicos animan á cidadanía a coñecer as axudas europeas para rehabilitar vivendas
Por Redacción |
-
Ángeles Vázquez anuncia que este ano están proxectadas máis de 200 novas vivendas protexidas en Pontevedra
Por Oskar Viéitez |