Marga Caldas estuda con Amizade as actuacións a realizar para garantir unha mobilidade sen barreiras en Poio
Por Redacción
A concelleira de Seguridade Cidadá, Marga Caldas, o enxeñeiro municipal e o responsable da Policía Local de Poio mantiveron unha reunión de traballo con representantes da Asociación de Persoas con Discapacidade da comarca de Pontevedra Amizade.
A edil do goberno local explicou que, tanto o Concello como o colectivo coinciden no seu compromiso á hora de impulsar iniciativas que sirvan para concienciar á sociedade sobre o bo uso das prazas e espazos reservados para persoas con problemas de mobilidade. É por iso polo que estudará a opción de impulsar campañas informativas, a través da propia concellaría de Seguridade Cidadá e doutras áreas como Educación, para acadar este obxectivo.
Ademais, segundo apunta Caldas, o goberno local tamén se compromete a estudar as propostas realizadas polos representantes de Amizade para garantir que as prazas para o estacionamento se adapten á normativa vixente, e tamén a facilitar os accesos a beirarrúas ou nas entradas de edificios municipais ou eventos lúdicos, culturais e deportivos que estean organizados pola administración local.
Tamén se porá o foco na mellora dos accesos a outros puntos de interese como as praias.
A concelleira de Seguridade Cidadá lembra que xa nas últimas semanas o Concello de Poio procedeu a ampliar, mellorar e reforzar a sinalización de varias prazas de estacionamento reservado para persoas que padecen problemas de mobilidade reducida, situadas en diferentes puntos do municipio.
Marga Caldas explica que a dotación de novas prazas dan resposta a necesidades propostas pola veciñanza e cuxa instalación conta cos pertinentes informes técnicos favorables.
Relacionadas:
-
Intervención en Poio para adaptar á normativa as prazas para persoas con mobilidade reducida
Por Redacción |
-
Amizade denuncia o mal estado da cadeira anfibia na praia de Portocelo
Por Redacción |
-
A inversión municipal en educación superou este curso os cen mil euros
Por Redacción |
-
Pepa Pardo demandará un plan de axudas para mellorar accesos a persoas con mobilidade reducida
Por Redacción |
-
Amizade aborda co alcalde de Poio a accesibilidade dos edificios municipais
Por Redacción |
-
Denuncian a "desesperante espera" das persoas con discapacidade para ter unha valoración axeitada
Por Oskar Viéitez |