A Brilat organiza unha exposición, un concerto, unha parada militar e o concurso patrullas
Por Oskar Viéitez
Co obxectivo de dar a coñecer o papel que realiza a Brilat, o Exército ábrese aos pontevedreses nunha nova ocasión para coñecer as forzas que actualmente integran as súas unidades na provincia.
O calendario de actividades é extenso, desde o 21 de maio ata o 23 de xuño, inclúe unha exposición, un concerto, unha parada militar e o concurso patrullas entre as localidades de Tui e Santiago de Compostela.
O acto central do 56 aniversario de creación da Brilat será o próximo 7 de xuño cunha parada militar na Base Xeneral Morillo.
Entre os actos de conmemoración, o mércores 25 de maio, a partir das 19:30 horas, celebrarase un concerto no Auditorio Sede Afundación a cargo da Unidade de Música da Escola Naval Militar e a Banda de Guerra da Brilat. Haberá acceso libre ata completar o aforo do teatro e interpretarase un repertorio de bandas sonoras de películas e tradicionais cancións militares.
O sábado 28 de maio terá lugar na Alameda de Pontevedra unha exposición estática na que se poderán contemplar os equipos, vehículos e funcionamento de distintos materiais da Brilat.
Como colofón, entre o 22 e o 23 de xuño o xa tradicional Concurso de Patrullas entre as localidades de Tui e Santiago de Compostela seguindo o camiño portugués, 120 km de duro percorrido no que se poñen a probas as patrullas de diferentes unidades do Exército de Terra e da Armada.
A saída da proba terá lugar o 22 de xuño no Paseo da Corredera da localidade de Tui, xa en Pontevedra realizarase o descenso en rápel voado desde a ponte de Monte Porreiro e o paso e cruzamento do río Lérez a nado, as probas máis espectaculares que se realizan dentro do concurso. O acto de entrega de trofeos, o día 23 de xuño a partir das 19:00 horas coa Praza do Obradoiro.
Relacionadas:
-
A Tui-Santiago da Brilat recupera a presenza doutras unidades do Exército e estrea unha modalidade menos esixente
Por Natalia Puga |
-
Chega ao porto de Marín unha corveta da Armada de Arabia Saudita
Por Redacción |
-
Emoción na despedida aos militares da misión de Mali
Por Redacción |
-
Os primeiros 150 militares da Brilat embarcan este domingo rumbo a Malí
Por Natalia Puga & Mónica Patxot |
-
A Brilat, ás portas xa da nova misión en Malí
Por Natalia Puga |
-
Centos de persoas acompañan á Brilat no 150 aniversario do seu rexemento máis antigo
Por Natalia Puga & Cristina Saiz |