A Policía detén a dous mozos, un menor de idade, por roubar unha bicicleta en Marín
Por Redacción
Axentes da Policía Nacional da comisaría local de Marín detiveron a dous mozos, un deles menor de idade e o outro de 22 anos, con antecedentes policiais por feitos similares, pola subtracción dunha bicicleta do interior dun domicilio en Marín.
Por mor da denuncia os axentes iniciaron as investigacións para tratar de pescudar a identidade do autor da subtracción, tras efectuar as xestións pertinentes, os axentes puideron identificar aos presuntos autores da subtracción da bicicleta valorada en 900 euros, un deles menor idade.
Unha vez tramitado o correspondente atestado policial, o menor detido foi entregado aos seus proxenitores.
A bicicleta, unha vez recuperada, foi entregada polos axentes ao seu lexítimo propietario.
Relacionadas:
-
As ciberestafas continúan a crecer na provincia
Por Redacción |
-
Ciberdelincuencia, violencia de xénero e trapicheo, retos por diante dos novos comisarios de Vilagarcía e Marín
Por Natalia Puga & Mónica Patxot |
-
Tres detidos en Marín por roubar nun local comercial e unha vivenda durante a fin de semana
Por Redacción |