Consideran unha "mofa" a oferta de vivendas gratis para médicos en Sanxenxo
Por Redacción
Para a Plataforma en Defensa da Sanidade Pública de Sanxenxo, a iniciativa de ofrecer vivendas gratis para atraer a médicos que traballen no verán é unha "mofa" e é "totalmente discriminatorio" para o persoal que traballa todo o ano nos centros de saúde do municipio.
Consideran que é un "claro intento populista" de ocultar os problemas de fondo que arrastra a sanidade pública en toda Galicia e aseguran que "facernos crer" que o problema é a falta de vivenda e non a precariedade do persoal ou a mala xestión "é unha falta de respecto".
Desde a plataforma apuntan que os problemas de persoal nos centros de saúde non están presentes tan só no verán senón que persisten durante todo o ano, debido a que as ausencias do persoal por baixas ou vacacións non son cubertas.
Durante estes últimos once anos, denuncia este colectivo, as autoridades sanitarias foron "desmantelando" a atención primaria ao non planificar nin contemplar as xubilacións do persoal ou ofrecer contratos a interinos por horas, días, semanas "e con sorte, meses".
Despois de este "maltrato", subliñan desde a plataforma, agora o Sergas "encóntranse con que a súa xestión levou a que o persoal se marche da comunidade e non quede apenas xente para traballar nas condicións precarias que ofrecen".
"A falta de investimento público, deteriorar a atención primaria ou priorizar a atención hospitalaria a expensas da primaria trae estas consecuencias", sentencian.
O colectivo reitera que o arranxo da "penosa situación" da sanidade pública galega pasa por investir en atención primaria, dimensionando adecuadamente os centros de saúde e dotándoos de todo tipo de persoal cunhas condicións axeitadas.
Relacionadas:
-
Sanidade valora positivamente o resultado da iniciativa de Sanxenxo de dar casa gratis para os médicos
Por Oskar Viéitez |
-
Imposible conseguir cita médica no centro de saúde de Baltar
Por Redacción |
-
Sanidade anuncia novos incentivos para médicos e a oposición rexeita a medida e introduce Sanxenxo no debate
Por Natalia Puga |
-
Cinco médicos interésanse nas vivendas gratis para traballar en Sanxenxo en verán
Por Alejandro Espiño |
-
O Sergas oferta 21 prazas fixas para médicos de atención primaria na área de Pontevedra por 65.000 euros ao ano
Por Oskar Viéitez |
-
"Todo o que contribúa a aumentar profesionais é benvido", afirma Rueda sobre a oferta de casas de Sanxenxo a médicos
Por Oskar Viéitez |
-
Vivendas gratis en Sanxenxo, cebo de atracción a facultativos para traballar nos centros de saúde locais en verán
Por Redacción |