Falece un home de 55 anos anos na piscina dun cámping en San VIcente
Por Redacción
O Servizo de Emerxencias da Xunta informou esta tarde de xoves do falecemento dun home por afogamento nunha piscina do Grove.
A alerta deuse ao redor das 16.30 horas e ao lugar dos feitos, o cámping Paisaxe 2 de San Vicente do Grove, achegáronse efectivos do servizo de Emerxencias do Grove, de Sanxenxo, os bombeiros do Salnés, unha ambulancia medicalizada do PAC de Sanxenxo e mesmo o helicóptero do 112.
Con todo, tras sacar o corpo da auga e practicarlle manobras de reanimación durante 45 minutos, os profesionais sanitarios foron incapaces de salvarlle a vida. A vítima procedía da localidade da Pobra do Caramiñal e practicaráselle a autopsia para coñecer as causas da morte, aínda que as primeiras hipóteses apuntan ao afogamento.