Domínguez visita A Canicouva: "non reúne as condicións para que unha mini Sogama se instale aquí"
Por Redacción
Rafa Domínguez, presidente do Partido Popular de Pontevedra, visitaba nas últimas horas co concelleiro Pablo Fernández, o terreo alugado polo Concello de Pontevedra en 2015 á Comunidade de Montes da Canicouva.
Este espazo está previsto polo goberno local para construír a planta de tratamento de residuos orgánicos. Unha circunstancia que Domínguez considera que é "imposible" afirmando que "nin é o sitio adecuado nin reúne as condicións para que unha mini Sogama instálese aquí", facendo referencia á planta da empresa pública autonómica que se encarga da xestión do tratamento dos lixos.
Segundo expón, o terreo mostra dificultades técnicas para a localización con accesos que non están preparados e "son moi estreitos. Dixemos que terían que expropiar leiras e é evidente. Dous camións non caben tal e como están os accesos hoxe en día". Tamén afirma que será necesario reforzar o firme e asfaltar a vía. O portavoz da oposición lembra que está previsto que á planta acudisen trinta camións a diario portando máis de trinta toneladas de residuos.
Domínguez sinala que hai un elevado número de ciclistas e sendeiristas que utilizan as pistas desta contorna e lembrou que "a seguridade dos usuarios destes carreiros debe ser primordial e parécenos moi complicado asegurar os seus roteiros co tránsito de vehículos pesados".
Asegura que o Concello "non moveu un papel" para construír torres de alta tensión, que son necesarias para fornecer enerxía a unha canteira situada nas proximidades. Cre que as placas solares serían insuficientes para abastecer unha planta de triaxe como a que se proxecta na zona.
Por último, o representante do PP critica que, en sete anos, o Concello só se dedicase a pagar 20.000 euros anuais por estes terreos "nos que sabían e saben que non se vai a facer unha planta de compostaxe", conclúe Domínguez.
Relacionadas:
-
O xulgado obriga o Concello de Pontevedra a manter o pago polos terreos da planta de compostaxe na Canicouva
Por Redacción |
-
Lores tilda de "covarde" ao PP por ocultar o arquivo da investigación sobre os terreos da Canicouva
Por Alejandro Espiño |
-
Sogama adxudicou diversas melloras na planta de transferencia de Ribadumia
Por Redacción |
-
Rafa Domínguez, presidente local do PP: "creo que o BNG ten un problema de cambio xeracional"
Por Mónica Patxot & Anxo Lourido |
-
Ao PP preocúpalle que sexa unha empresa quen decida onde se sitúa a planta de compost
Por Oskar Viéitez & Mónica Patxot | Creada e actualizada
-
Raimundo González critica a "oposición virulenta e enfermiza" do PP local ao modelo de compostaxe de Pontevedra
Por Oskar Viéitez & Mónica Patxot |
-
Rafa Domínguez sementa dúbidas sobre a viabilidade técnica da planta da Canicouva
Por Alejandro Espiño |
-
Pontevedra quere formalizar antes de final de ano o novo contrato do lixo, polo que pagará 225 millóns en 21 anos
Por Alejandro Espiño |