Choiva de iniciativas para dar a coñecer entre a cidadanía o Plan de Movilidad Urbana Sostible
Por Redacción
O Concello de Pontevedra ten previsto iniciar unha rolda de reunións veciñais para recavar a opinión e suxerencias da cidadanía con respecto ao Plan de Movilidad Urbana Sostible (PMUS) ou a reforma integral do barrio de Monte Porreiro.
O concelleiro de Obras Urbanas, Demetrio Gómez, explica que o goberno local quere dar "unha volta de porca" ao sistema de participación veciñal a través da repartición de material divulgativo, presentacións ou mesas nas rúas para coñecer os proxectos e presentar in situ reclamacións e propostas ao documento.
Con respecto ao PMUS, o concelleiro iniciará a próxima semana unha rolda de contactos con representantes da Fanpa e da Federación de Asociacións de Veciños Castelao. Así mesmo, o documento inicial atópase xa dispoñible para a súa lectura na web oficial do Concello e nos próximos días estrearase unha páxina web específica no que estará explicado de forma moi visual e pormenorizada cada un dos aspectos dun plan obrigatorio chamado a revolucionar a forma de moverse en vehículo polo centro da cidade.
Este espazo dixital contará tamén cunha propia enquisa que servirá para comprobar o nivel de comprensión do PMUS e, ao mesmo tempo, recoller as suxerencias da cidadanía.
Do mesmo xeito, teñen previsto inaugurar unha exposición sobre este plan na Peregrina o próximo 22 de xuño, obradoiros para familias no museo e en centros sociais e a repartición a domicilio de material divulgativo sobre este proxecto.
"Somos a única cidade de España que non lle vai dar gasto aos veciños por circular polas zonas de baixas emisións", recalcou Gómez, quen criticou tamén a postura do Partido Popular acerca da súa intención de reabrir ao tráfico Reina Vitoria para vehículos eléctricos, algo que desde o Concello ven como discriminatorio e que favorecería ás rendas máis altas, que son as que teñen acceso máis fácil a este tipo de coches.
Doutra banda, sobre a intención do goberno local de retomar a reforma urbana do barrio de Monte Porreiro, Demetrio Gómez explicou que nos próximos días desvelarán detalles concretos dun proxecto que "está moi avanzado", pero do que aínda están á espera de instrucións da Xunta para incluír ao barrio nun plan de vivenda que permitiría obter fondos europeos Next Generation que permitiría executar plans moito máis ambiciosos.
Relacionadas:
-
Aprobado inicialmente o PMUS de Pontevedra, cuxa exposición comeza unha xeira polos barrios
Por Redacción |
-
Rafa Domínguez afirma que reducir a velocidade a 10 km/h en parte da cidade "es pasarse completamente de frenada"
Por Redacción |
-
Pontevedra expón o seu novo plan de mobilidade sostible na Peregrina
Por Manu Otero |
-
O Concello expón as liñas xerais do Plan de Mobilidade ás ANPA
Por Redacción |
-
A cidadanía participará de xeito directo na elaboración da 'axenda urbana' cos retos do futuro da cidade
Por Natalia Puga |
-
As ANPAS achegarán suxestións para mellorar a mobilidade nos colexios
Por Redacción |
-
Catro mil metros cadrados peonís máis cada ano, o obxectivo de Pontevedra para crear unha "cidade integradora"
Por Alejandro Espiño & Diana Eiras |
-
Retirar tráfico motorizado das beiras do Lérez, un dos obxectivos marcados no Plan de Mobilidade Urbana Sostible
Por Redacción |
-
Os retos de futuro que Pontevedra plasmará na súa axenda urbana
Por Alejandro Espiño |