Entran en vigor os cambios de tráfico no Gafos
Por Oskar Viéitez
Este venres entrou en vigor a reordenación da rúa Palamios co cambio de sentido de circulación das rúas Ribeira dos Peiraos e Ribeira dos Gafos.
A primeira -antes de entrada cara o barrio de San Roque- agora é de saída; e a segunda -antes de saída- agora é de entrada ao barrio.
Deste xeito agora non é posible acceder co vehículo directamente desde a rotonda das Corbaceiras en dirección a Palamios, e haberá que ir ata Manuel del Palacio para dar a volta e entrar Ribeira dos Gafos.
O departamento de Mobilidade que xestiona Demetrio Gómez agarda que esta medida permita reducir o incremento de tráfico da rúa de Palamios derivado do peche ao tráfico rodado de Raíña Vitoria que aumentou nun 525 %, ao pasar dunha media duns 750 vehículos diarios a máis de 4.200.
O concelleiro de Mobilidade, Demetrio Gómez, explicou que "esta medida crea un sentido lóxico de circulación semellante ao dunha rotonda", e aínda que supoña arredor de 150 metros máis de circulación en coche para a veciñanza da rúa, o departamento entende que "gañará en calidade de vida" xa que "Palamios non estaba preparada para asumir o volume de tráfico actual".
O cambio de sentido de tráfico desas dúas rúas completa a intervención prevista polo Concello de Pontevedra no barrio de San Roque para reaxustar o tráfico.
Segundo o indicado por Demetrio Gómez, durante a xornada do venres non houbo ningunha incidencia relevante, nin na contorna do Gafos, nin na rúa Manuel del Palacio, alén "dalgún condutor despistado que chegou até as rúas, deu a volta e incorporouse de novo á circulación". A Policía Local de Pontevedra sinala que o tráfico funcionou con normalidade e "perfectamente".
O vindeiro luns a Policía Local seguirá prestando atención á zona cun operativo especial de vixilancia, mais non se agarda ningún tipo de incidente relevante.
Relacionadas:
-
Ollo ao tráfico este mércores na avenida de Bos Aires
Por Redacción |
-
O PP denuncia que os cambios na circulación nos Gafos son "un erro que agrava aínda máis a pésima situación do tráfico"
Por Redacción |
-
Ferida unha muller embarazada nun accidente en Cambados
Por Oskar Viéitez |
-
Rafa Domínguez, presidente local do PP: "creo que o BNG ten un problema de cambio xeracional"
Por Mónica Patxot & Anxo Lourido |
-
O cambio de sentido en Ribeira dos Peiraos e dos Gafos completará a reordenación de tráfico en Palamios
Por Redacción |
-
Un bando sentencia o peche definitivo de Raíña Vitoria
Por Natalia Puga |