Alfonso Rueda, un peregrino en bicicleta máis polo Camiño Portugués
Por Redacción
"Isto vai a máis. O Camiño colle forza". Non son palabras dun peregrino normal e corrente, senón do presidente da Xunta de Galicia, Alfonso Rueda, que aproveitando a ponte festiva converteuse nunha das moitas persoas que completan a peregrinación a Compostela.
No seu caso Rueda escolleu completar estes días o Camiño Portugués, fíxoo iniciando a súa ruta o xoves en bicicleta desde Póvoa de Varzim.
Este sábado, xa en Caldas de Reis, o presidente autonómico destacou que "temos que espremer este ano Xacobeo, pero con sentidiño", avanzando como dato que "neste mes de xuño vai haber máis Compstelas que o mes de xullo de 2019".
No que respecta á súa ruta, o Camiño Portugués é xa o elixido por un de cada tres peregrinos.
Rueda destacou ademais a recuperación dos peregrinos internacionais e fixou o obxectivo de que ao final deste ano o impulso do Xacobeo supoña dous puntos máis na achega do turismo ao Produto Interior Bruto de Galicia.
Relacionadas:
-
Rueda aposta desde Meis pola bicicleta para descubrir "o fermosismo" de Galicia
Por Redacción |
-
Mocidade voluntaria di adeus despois de dous meses atendendo os peregrinos no programa 'Xacobeando'
Por Redacción |
-
O Albergue de Pontevedra estrea un Banco Peregrino para descansar… e máis cousas
Por Oskar Viéitez |
-
Lula Goce e Daniel Eime crean nove grandes murais no Camiño Portugués, dous deles en Pontevedra e Caldas
Por Alejandro Espiño |