Os parques infantís da Praza de Europa e do Mirador locen "como novos" para este verán
Por Redacción
Iván Puentes, concelleira de Desenvolvemento Sostible e Medio Natural, achegábase este luns ao barrio de Monte Porreiro para comprobar as intervencións realizadas nos parques infantís máis utilizados polos escolares da zona. Trátase dos situados no Mirador e na Praza de Europa.
O investimento total ascende a máis de 15.000 euros para acometer obras de arranxo e mellora integral destas áreas de lecer coa idea de que se atopen en "perfectas condicións de uso e seguridade" para a súa utilización intensiva durante estes meses de verán.
Na Praza de Europa investíronse 10.285 euros para achegar máis area á zona onde se atopa a tirolesa, renovar todo o pavimento e os elementos de xogo, arranxando as gretas e roturas do espazo de herba sintética. Tamén se pintaron e revisaron os diferentes xogos infantís.
No Mirador renovouse tamén todo o pavimento da zona de area, pintáronse os xogos e revisáronse parafusos, tapóns e outros elementos de seguridade. Tamén se adaptaron as randeeiras para que o parque encaixe na normativa autonómica e europea de seguridade, ademais de lograr a certificación da Entidade Nacional de Acreditación para estes parques. Cambiouse todo o peche perimetral de madeira e se mejoraró a zona dos bancos.
Puentes explicou que estas melloras permitirán que estes espazos se presenten "como novos" para este verán. Avanzou tamén que a reforma integral de todo o parque da Praza de Europa acometerase no futuro cun orzamento de 60.000 euros coa construción dunha nova pista polideportiva na zona interior, próxima á igrexa, e a renovación de todo o mobiliario urbano.
Relacionadas:
-
A reforma do parque da Praza de Europa avanza con nova iluminación e a plantación de árbores
Por Redacción |
-
Remata a instalación da nova pista polideportiva do parque da Praza de Europa
Por Redacción |
-
Estudan converter o antigo circuíto BTT de Monte Porreiro nunha área pump-track
Por Alejandro Espiño |
-
Comezan as obras de construción da nova pista polideportiva do parque da Praza de Europa
Por Redacción |
-
Inicio escolar con estrea de parque infantil nas Palmeiras
Por Redacción |
-
As obras da nova pista multideporte e do parque canino de Monte Porreiro comezarán en setembro
Por Redacción |
-
O parque de xogos das Palmeiras permanecerá pechado dúas semanas por obras
Por Mónica Patxot & Redacción |
-
O parque infantil da Praza de Europa permanecerá pechado durante dúas semanas por obras
Por Redacción |