O Concello de Cuntis asume as obras de mellora na autonómica Rúa do Convento ante o seu mal estado
Por Redacción
Durante estas xornadas execútanse os traballos de renovación da beirarrúa da Rúa do Convento, situada na marxe esquerda da estrada PO-220, unha vía que pertence á Xunta de Galicia. Este luns, Manuel Campos, alcalde do municipio, e a tenente de alcalde Conchi Campos visitaban a zona e explicaban a urxencia da intervención debido ao mal estado que presentaba este especio.
As obras céntranse na mellora das beirarrúas con formigón puído, cun acabado de bordo de pedra do país. Ao mesmo tempo, o Concello decidiu renovar as tubaxes de auga e de saneamento. A elas súmanse agora outras dúas que permiten canalizar as instalacións eléctricas e as redes de telecomunicacións, segundo informan desde o goberno local.
A primeira fase realízase só na marxe esquerda e o alcalde indica que, ademais da solución estética, o importante é renovar de maneira integral os servizos e dotar dunha canle para que se facilite a instalación da fibra óptica, que nalgunhas zonas está a atopar graves dificultades para a súa expansión.
Campos lembra que a obra está á asumir o Concello con fondos propios e con persoal municipal contratado a través do Plan Concellos coa intención de atender unha reivindicación veciñal de tempo atrás. O rexedor anuncia tamén que xa comezou a segunda fase, que afectará á marxe dereito da estrada, cunha intervención nun espazo de 180 metros lineais.
Relacionadas:
-
Os festivos locais, a reforma da Rúa do Convento e o ANPA O Baño, temas a tratar no pleno municipal de Cuntis
Por Redacción |
-
Cuntis reclama que a Xunta se faga cargo do arranxo da Rúa do Convento
Por Redacción |
-
Cuntis pide á Xunta a mellora da rúa do Convento e a limpeza do río Gallo
Por Redacción |