A Estación Fitopatolóxica do Areeiro convértese en laboratorio de referencia tamén para Portugal
Por Redacción
A Estación Fitopatolóxica do Areeiro convértese en laboratorio oficial de detección de pragas corentenais, é dicir, reguladas pola Unión Europea, en todo o territorio luso. Así queda establecido no convenio que a entidade provincial vén de asinar coa Direcão Geral de Alimentação e Veterinária do Goberno de Portugal.
O convenio entre a Deputación e o Goberno portugués terá vixencia ata finais deste ano, con posibilidade de sucesivas prórrogas. Deste xeito Areeiro asume a responsabilidade de detectar e certificar a entrada das pragas non presentes na Unión Europea e que obrigan a medidas específicas para a súa erradicación.
Está previsto que de aquí ao remate do ano se realicen un total de 653 análises para a detección de diferentes organismos causantes das pragas corentenais.
As primeiras mostras chegaron esta semana e proceden das cinco direccións rexionais de Agricultura e Pesca de Portugal.
A Estación Fitopatolóxica do Areeiro é un centro de referencia dedicado á investigación e ao diagnóstico en materia fitosanitaria forestal e agraria. Ao tempo traballa na introdución e conservación de especies froiteiras e ornamentais, así como na área de análise edafolóxica (do solo) de cara á mellora da fertilización. Nos seus laboratorios hai especialistas en entomoloxía, acaroloxía, nematoloxía, bacterioloxía, viroloxía e patoloxía.
Relacionadas:
-
Aparecen síntomas de golpe de sol nos acios
Por Redacción |
-
Areeiro pide botar un ollo ás viñas a pesar da calor para evitar sustos na vendima
Por Redacción |
-
Investigadores da Misión Biolóxica identifican 163 pés de viña en Santa Clara
Por Redacción |
-
Alertan do estado "precario" do abeto branco do Pazo de Quintáns
Por Redacción |
-
Temor aos primeiros síntomas de mildio co crecemento de gromos nas viñas das Rías Baixas
Por Redacción |
-
Especies vexetais do Areeiro enriquecerán os xardíns públicos da provincia
Por Redacción |