O rexeitamento aos parques eólicos tamén saca á rúa á veciñanza de Campo Lameiro
Por Redacción
As protestas que nos últimos tempos xurdiron en toda a provincia de Pontevedra contra parques eólicos proxectados en distintas localidades tamén prenderon en Campo Lameiro.
Veciñanza do Concello de Campo Lameiro amosa estes días o seu rexeitamento ao proxecto de parque eólico Touriñán III-2, proxectado por Greenalia, que tamén afecta os concellos de A Estrada e Cuntis.
Veciñanza da parroquia de Moimenta, en Campo Lameiro, organizou o pasado domingo unha andaina reivindicativa á que asistiron 50 persoas e para esta semana teñen organizada unha charla informativa. Será este mércores 6 de xullo, ás 19 horas, no merendeiro de Santo Antoniño de Penalba.
Nesta charla estarán o Observatorio Eólico de Galicia e asociacións da comarca e está prevista a presenza das comunidades de montes afectadas, entre elas a de Santa María de Moimenta, que denuncia que "ninguén nos pediu permiso e agora atopámonos con que esta instalación danaría irreversiblemente a captación de auga da aldea".
A veciñanza lembra que outros montes veciñais afectados son os de Armonda, A Lamosa, Painceiros, Castro, Cimadevila e Laceira.
A protesta tamén implica a profesionais locais de turismo rural, como A Avoa María, que denuncian que o impacto paisaxístico sería "crítico", pois os aeroxeradores serían visibles desde o Parque Arqueolóxico de Arte Rupestre.
Ademais, critican que a localidade estradense de Cortegada atópase a unha distancia menor da exixida na normativa actual.
Relacionadas:
-
Chaman a mobilizarse en Pontevedra contra o actual modelo de enerxía eólica
Por Redacción |
-
O alcalde de Campo Lameiro pide o apoio da Xunta en novos proxectos investidores
Por Redacción |
-
Rexistran duascentas alegacións contra o parque eólico de Greenalia en Campo Lameiro
Por Redacción |
-
A Plataforma pola Defensa do Monte Castrove, na marcha polo Día do Medio Ambiente en Compostela
Por Redacción |
-
O BNG defende o seu propio modelo eólico para frear o "espolio especulativo e depredador"
Por Oskar Viéitez & Mónica Patxot |
-
Rexeitamento masivo en Cerdedo aos parques eólicos de Campo das Rosas e Porto Vidros
Por Redacción |
-
Andaina para comprobar as consecuencias que tería a creación de parques eólicos na zona da Fracha
Por Redacción |
-
Autorizan un novo parque eólico en Cuntis, Campo Lameiro e Cerdedo
Por Redacción |